Իսլամական Հանրապետությունն այսօր ազդեցիկ դեր ունի տարածաշրջանում և աշխարհում.Գեներալ Քյումարս Հեյդարի
Իրանի Իսլամական Հանրապետության բանակի ռազմացամաքային զորքերի հրամանատար, բրիգադի գեներալ Քյումարս Հեյդարին հայտարարել է, որ Իրանի Իսլամական Հանրապետությունն այսօր ազդեցիկ դեր ունի տարածաշրջանում և աշխարհում։
Բրիգադի գեներալ Հեյդարին ասել է,-«Իսլամական Իրանի զինված ուժերը նվիրվածությամբ, քրտնաջան ու անխոնջ աշխատանքով փշրել են ԱՄՆ-ի հեգեմոնիան։ Ամբողջ աշխարհը տեսավ, որ Իրանն ինչպես հրթիռակոծեց Իրաքում գտնվող ամերիկյան Այն ալ-Ասադ բազան և ամերիկացիներին դուրս քշեց Պարսից ծոցից ու թիրախավորեց ամերիկյան ագրեսոր ԱԹՍ-ները»:
Իրանի Իսլամական Հանրապետության ցամաքային զորքերի հրամանատարն ընդգծել է, -«Բոլոր թշնամիները պետք է իմանան, որ Իրանի Իսլամական Հանրապետությունը կանգնած է դիմադրության աշխարհագրության մեջ և չի նահանջի»։
Բրիգադի գեներալ Հեյդարին, անդրադառնալով բոլոր ոլորտներում ինքնաբավության հասնելու Իրանի զինված ուժերի ջանքերին, ասել է, -«Իրանը ինքնաբավության առումով ոչ մի երկրի կարիք չունի, հատկապես պաշտպանական արդյունաբերության ոլորտում»։
Իրանի պաշտպանական դոկտրինան հիմնականում հիմնված է զսպման սկզբունքի վրա: Իրական զսպող ուժ ստեղծելու համար անհրաժեշտ է ունենալ ռազմական և սպառազինական մեծ կարողություն և հզոր ու լավ զինված ուժեր: