Իրանը և չորս այլ երկրներ համաձայնության են եկել «Հյուսիս-Հարավ» ծովային միջանցքի զարգացման շուրջ
Իրանը և չորս այլ երկրներ համաձայնության են եկել «Հյուսիս-Հարավ» նավագնացության միջանցքի զարգացման փաստաթղթի նախագծի շուրջ։
ԻՍՆԱ-ի հաղորդման համաձայն, Իրանի նավագնացության կազմակերպությունը , հղում անելով Արժութային և բանկային հետազոտությունների ինստիտուտին, հայտնել է, որ Ռուսաստանը, Ղազախստանը, Թուրքմենստանը, Իրանը և Հնդկաստանը համաձայնության են եկել «Հյուսիս-Հարավ» նավագնացության միջանցքի զարգացման փաստաթղթի նախագծի շուրջ, որը Ռուսաստանը կապում է Պարսից ծոցին:
Այս փաստաթուղթը ներառում է երթուղու ենթակառուցվածքների և հնարավորությունների բարելավում, վարչական խոչընդոտների վերացում և բարենպաստ պայմանների ստեղծում տրանսպորտային ընկերությունների համար։
Հյուսիս-Հարավ նավագնացության միջանցքը մուլտիմոդալ երթուղի է (երկաթուղային, ճանապարհային և ծովային) Սանկտ Պետերբուրգից մինչև Հնդկաստանի Բոմբեյ նավահանգիստ՝ 7,2 հազար կիլոմետր երկարությամբ, որն անցնում է Իրանի տարածքով։
Սուեզի ջրանցքով անցնող ծովային երթուղու համեմատ՝ այս երթուղին ավելի քան կիսով չափ կկրճատի տարածությունը և զգալի չափով՝ փոխադրման արժեքը։
Հյուսիս-Հարավ միջանցքը, որը համարվում է ռազմավարական և կարևոր անցուղի այս միջանցքի երթուղում գտնվող երկրների՝ Ռուսաստանի, Իրանի, Ադրբեջանի և Հնդկաստանի, ինչպես նաև այդ միջանցքի մոտ գտնվող երկրների համար, կարող է նշանակալի դեր ունենալ այս միջանցքի դրական ազդեցություններից վերոնշյալ երկրների օգտվելու համար։
Միևնույն ժամանակ, որոշ հարևան երկրներ, ինչպիսիք են Ղրղզստանը, Տաջիկստանը, Ուզբեկստանը և Աֆղանստանը, որևէ կերպ դեպի ծով ելք չունեն և ստիպված են իրենց ապրանքները տեղափոխել Իրանի տարածքով՝ ծով հասնելու համար: Այս տեսանկյունից Իրանի կողմից միջանցքների, այդ թվում՝ Հյուսիս-Հարավ միջանցքի օգտագործումը շատ կարևոր է։