Ղալիբաֆը Գազայում տիրող իրավիճակի վերաբերյալ հեռախոսազրույց է ունեցել 7 իսլամական երկրների խորհրդարանների նախագահների հետ
Իրանի Իսլամական խորհրդարանի նախագահը Թուրքիայի, Ալժիրի, Սիրիայի, Արաբական Միացյալ Էմիրությունների, Լիբանանի, Օմանի և Քուվեյթի խորհրդարանների նախագահների հետ ունեցած առանձին հեռախոսազրույցներում, քննարկել է Գազայում Սիոնիստական ռեժիմի հանցագործությունները։
Պաղեստինի իսլամական Դիմադրության շարժման (ՀԱՄԱՍ) ռազմական թևի կողմից շաբաթ օրը (հոկտեմբերի 7-ին) Իսրայելի բռնազավթիչ ռեժիմի դեմ իրականացված «Ալ-Աղսայի փոթորիկը» կոչվող գործողությունից հետո, Սիոնիստական ռեժիմը հարձակվել է Գազայի հատվածի վրա, և այդ հարձակումները դեռ շարունակվում են:
Միևնույն ժամանակ, երբ Ղոդսի օկուպացիոն ռեժիմը շարունակեց իր հարձակումները Գազայի հատվածի վրա, Պաղեստինի առողջապահության նախարարությունը վիճակագրական վերջին տվյալների համաձայն՝ հայտարարեց, որ Սիոնիստական ռեժիմի հարձակումների հետևանքով ավելի քան 1000 մարդ է նահատակվել և 5000-ը վիրավորվել է:
Նաև Գազայի հատվածի վրա Սիոնիստական ռեժիմի կործանիչների բազմիցս հարձակումների հետևանքով ավերվել է ավելի քան 13 հազար բնակելի տուն և 10 բժշկական կենտրոն, վնասվել է 48 դպրոց։
ԻՌՆԱ-ի հաղորդման համաձայն՝ Իրանի Իսլամական խորհրդարանի նախագահ Մոհամմադ Բաղեր Ղալիբաֆը դատապարտել է Գազայի ժողովրդի, հատկապես պաղեստինցի կանանց ու երեխաների կոտորածը և իսլամական երկրների խորհրդարանների նախագահներին կոչ է արել միջազգային մակարդակով հետամուտ լինել Գազայի ժողովրդի իրավունքներին:
Այս հեռախոսազրույցներում Ղալիբաֆը նաև ընդգծել է, որ Սիոնիստական ռեժիմի դաժան հարձակումները Գազայի վրա պետք է հնարավորինս արագ դադարեցվեն, և իսլամական երկրների համագործակցությամբ պայմաններ ստեղծել Գազայի ճնշված ժողովրդին մարդասիրական օգնություն ուղարկելու համար։
