Մեկնաբանություն- Ամիր Աբդոլլահյանի տարածաշրջանային այցը՝ Գազայի պատերազմի առանցքայնությամբ
Գազայի հատվածի ժողովրդի դեմ Սիոնիստական ռեժիմի հանցագործությունները շարունակվելով, ԻԻՀ ԱԳ նախարար Հոսեյն Ամիր Աբդոլլահյանը տարածաշրջանային այցեր կատարելով, ընդգծել է սիոնիստների հանցագործությունների դադարեցման անհրաժեշտությունը:
Հոսեյն Ամիր Աբդոլլահյանը հոկտեմբերի 12-ին մեկնել է Իրաք և հանդիպել ու խորհրդակցել երկրի վարչապետի և ազգային անվտանգության հարցերով խորհրդականի հետ։ Ամիր Աբդոլլահյանը, Բաղդադից հետո, ուրբաթ առավոտյան, գլխավորելով մի պատվիրակություն մեկնել է Բեյրութ, որտեղ հանդիպել և զրուցել է վարչապետ Նաջիբ Միքաթիի, արտաքին գործերի նախարար Աբդուլլահ Բոհամիդի և Լիբանանի Հեզբոլլահի գլխավոր քարտուղար՝ Սեյեդ Հասան Նասրալլահի հետ: Ամիր Աբդոլլահյանը Բեյրութից հետո պետք է մեկնի Դամասկոս։
Գազայի հատվածի դեմ Սիոնիստական ռեժիմի պատերազմը եղել է Իրաքի և Լիբանանի իշխանությունների հետ Ամիր Աբդոլլահյանի խորհրդակցության հիմնական առանցքը: Այս խորհրդակցություններում կողմերը ընդհանուր տեսակետ են հայտնել Գազայի դեմ պատերազմի մասին հետևյալ առանցքներում:
Առաջին առանցքն այն է, որ այն, ինչ անում է Երուսաղեմի օկուպացիոն ռեժիմը Գազայի հատվածի դեմ, ռազմական հանցագործության օրինակ է։ Գազայի հատվածի դեմ Սիոնիստական ռեժիմի հարձակումների հետևանքով նահատակվել է շուրջ 1600 մարդ, ավելի քան 7600 մարդ վիրավորվել է։
ՄԱԿ-ի մանկական հիմնադրամի (ՅՈՒՆԻՍԵՖ) տվյալներով՝ զոհվածներից մոտ 450-ը երեխաներ են։ Բացի այդ, անջատելով էլեկտրականությունն ու ջուրը, բժշկական կենտրոնները չեն կարողանում ծառայություններ մատուցել, իսկ Գազայի հատվածը հայտնվել է ամենավատ պայմաններում։ Ելնելով դրանից՝ Հոսեյն Ամիր Աբդոլլահյանն իրաքյան իշխանությունների հետ հանդիպմանն ընդգծել է, որ Սիոնիստական ռեժիմի կողմից Գազայում տեղի ունեցող իրադարձությունները ռազմական հանցագործությունների վառ օրինակ են։ Այս տեսակետն են ընդգծել նաեւ իրաքյան իշխանությունները։
Այս խորհրդակցությունների երկրորդ առանցքն այն է, որ պետք է ավելանան Գազայի հատվածի դեմ պատերազմին վերջ տալու տարածաշրջանային և գլոբալ ջանքերը, որպեսզի Գազայի պատերազմը չվերածվի տարածաշրջանային պատերազմի:
«Ալ-Աղսայի փոթորկը» գործողության արդյունքում իր 75-ամյա պատմության մեջ ամենածանր պարտությունը կրած ռեժիմը փորձում է ցամաքային պատերազմ սկսել Գազայի դեմ և նոր ճակատներ ստեղծել Լիբանանի ու Սիրիայի դեմ։ Եթե Սիոնիստական ռեժիմը նման ռազմավարական սխալ թույլ տա, Գազայի պատերազմը կվերածվի տարածաշրջանային պատերազմի։ Այս առնչությամբ Լիբանանի վարչապետ Նաջիբ Միքաթին Ամիր Աբդոլլահյանի հետ հանդիպման ժամանակ դիվանագիտական շփումները կարևոր համարեց իրավիճակը վերահսկելու համար և կարևորեց Իրանի դերն այս դիվանագիտական ջանքերում: Միքաթին նաև կարևոր անհրաժեշտություն է համարել տարածաշրջանային պատերազմը կանխելու բոլոր ջանքերը:
Իրաքի և Լիբանանի իշխանությունների հետ Ամիր Աբդոլլահյանի խորհրդակցության երրորդ առանցքն այս պատերազմում ԱՄՆ-ի պահվածքի դեմ ուղղված քննադատությունն էր։ Դատապարտելով ՀԱՄԱՍ-ին և պաղեստինյան այս շարժումը դասելով ահաբեկչական խմբավորումների շարքին, ինչպիսին է ԻԼԻՊ-ը, ԱՄՆ կառավարությունը համակողմանի աջակցություն է ցուցաբերել Երուսաղեմը զավթող ռեժիմին:
Նաջիբ Միքաթիի հետ հանդիպմանը, նշելով, որ Իսրայելի հանցագործություններին ԱՄՆ-ի անսահմանափակ աջակցությունը ավելի կծանրացնի իրավիճակը, Ամիր Աբդոլլահյանն ասել է.«ԱՄՆ-ն բոլորին զսպվածության կոչ է անում, բայց զենք է տալիս Իսրայելին և աջակցում այդ ռեժիմին»:
