Մեկնարկել է Իրանի փողոցային թատրոնի միջազգային փառատոնը՝ Հայաստանի թատերական խմբի մասնակցությամբ
Իրանի արևմուտքում գտնվող գեղատեսիլ և զբոսաշրջային Մարիվան քաղաքում այսօր երեքշաբթի մեկնարկեց Իրանի փողոցային թատրոնի 16-րդ միջազգային փառատոնը, որին մասնակցում են արվեստագետներ՝ ամբողջ Իրանից և 15 խմբեր արտասահմանից, այդ թվում՝ Հայաստանից։
Այս փառատոնի քարտուղար՝ Ռահման Հոշիարիի խոսքով, փառատոնի այս շրջանում ներկա են օտարերկրյա խմբեր 11 երկրներից, այդ թվում՝ Հայաստանից, Թուրքիայից և Իրաքից։
Հոկտեմբերի 17-ին մեկնարկած փողոցային թատերական 16-րդ փառատոնը կշարունակվի մինչև հոկտեմբերի 21-ը: Փակման արարողությանը ներկա կլինի նաև Իրանի Իսլամական մշակույթի և առաջնորդության նախարարը։
Այս փառատոնն անվանելով «մշակութային մեծ իրադարձություն» , Հոշիարին հավելել է.-«Մարիվան փողոցի 16-րդ թատերական փառատոնը լուսաբանում են ավելի քան 45 տեղական և արտասահմանյան լրագրողներ»։
Բացման հանդիսավոր արարողության ժամանակ մեկնարկեց 16-րդ միջազգային թատերական փառատոնի «Ուրախության կառնավալը», որի մասնակից թատերախմբերը ամբողջ Իրանից և արտասահմանից իրենց տարազներով ու երաժշտական գործիքներով ներկայացան Մարիվանի փողոցներում։