Իրանի ժողովուդը դատապարտել է սիոնիստների հանցագործությունները

Իրանի ողջ տարածքում միաժամանակ տեղի են ունեցել մարդկանց հսկայական հավաքներ՝ դատապարտելու Սիոնիստական ​​ռեժիմի հանցագործությունները և պաշտպանելու Պաղեստինի ճնշված ժողովրդին:

Իրանի ժողովրդի տարբեր խավեր, բարձրացնելով Իրանի Իսլամական Հանրապետության և Պաղեստինի դրոշները և վանկարկելով «մահ Իսրայելին», «մահ Ամերիկային», «ոչ փոխզիջում», «ո՛չ  հանձնվել», «պայքար Իսրայելի դեմ», կարգախոսներ, դատապարտեցին Գազայում սիոնիստների կողմից իրականացված վայրագ  հանցագործությունները: 

Թեհրանում  ևս մարդկանց տարբեր խմբեր՝ կին ու տղամարդ, երիտասարդ ու մեծ,ի աջակցություն Պաղեստինի ու Գազայի իրավազրկված ժողովրդի եկան «Էնղելաբ»(Հեղափոխություն) հրապարակ և զորակցություն հայտնեցին Պաղեստինի ճնշված ժողովրդին: 

Իրանի նախագահ այաթոլլա Սեյեդ Էբրահիմ Ռայիսին «Էնղելաբ»(Հեղափոխություն) հրապարակում  Թեհրանի ժողովրդի հսկայական հավաքի ժամանակ ունեցած ելույթում ասել է.-«Ամերիկացիները Սիոնիստական ​​ռեժիմի հանցագործությունների մեղսակիցներն են»։

Իրանի նախագահը հավելել է. «Իրանի ժողովուրդը, իսլամական ումման և աշխարհի ազատախոհ ժողովուրդը ցանկանում են, որ որքան հնարավոր է շուտ խզվեն այս ռեժիմի հետ քաղաքական հարաբերությունները,երկրներից վտարվեն այս ռեժիմի դեսպանները և փակվեն Սիոնիստական ​​ռեժիմի դեսպանատները»։Ռայիսին ասել է.-«Սիոնիստական ​​ռեժիմի վախճանը կսկսվի: Պաղեստինցու արյան յուրաքանչյուր կաթիլ, որը թափվում է գետնին, Սիոնիստական ​​ռեժիմը մեկ քայլ ավելի է մոտենում  իր փլուզմանը»։

-«Ամերիկացիներին ասում եմ, որ այսօր տարածաշրջանի ժողովրդի աչքի առաջ դուք տարածաշրջանի երկրներից հրթիռներ եք ներմուծում օկուպացված Պաղեստին և զինում Սիոնիստական ​​ռեժիմին, և այն ռումբերը, որոնք այս ռեժիմը նետում է Գազայի ժողովրդի վրա, ձերն են:  Աշխարհի ժողովուրդները ձեզ համարում են սիոնիստների հանցագործությունների  մեղսակիցը», ասել է Իրանի նախագահը։

Ռայիսին հստակեցրել է.-«Միջազգային կազմակերպությունները և աշխարհի երկրները դատապարտել են այդ հանցագործությունները: Բայց  միթե բավարա՞ր է դատապարտել այս հանցագործությունը»։

Իրանի նախագահը նշել է.-«Իսլամական հեղափոխության գերագույն առաջնորդը երեկ ասել է, որ եթե  արագ միջոցներ չձեռնարկվեն ռմբակոծությունը դադարեցնելու և պաշարումը վերացնելու համար, իմացեք, որ Դիմադրության շարժումը և իսլամական ժողովուրդներն այլևս չեն համբերելու և ոչ ոք չի կարողանա կանգնեցնել նրանց: Զգուշացեք մուսուլման ժողովուրդների զայրույթից»:

Ռայիսին հայտարարել է, որ Իրանի Իսլամական Հանրապետությունը պատրաստ է  մարդասիրական օգնություն ցուցաբերել Գազայի բնակչությանը։