Իրանը և Եվրասիական տնտեսական միությունը ազատ առևտրի համաձայնագիր կստորագրեն մինչև 2023 թվականի վերջը
Բելառուսի պաշտոնական լրատվական գործակալությունը (Բելտա) հայտնել է մինչև այս տարվա վերջը Իրանի և Եվրասիական միության միջև ազատ առևտրի մասին համաձայնագրի նախագծի մշակման ավարտի և ստորագրման մասին։
ISNA-ի փոխանցմամբ՝ այս ծրագրի մասին հայտարարվել է հոկտեմբերի 20-ին Եվրասիական տնտեսական հանձնաժողովի խորհրդի նիստում։
Նշենք, որ Իրանը իր հյուսիսարեւմտյան հարեւան Հայաստանին համարում է որպես եվրասիական շուկա մուտք գործելու դարպաս։
Իրանի և Եվրասիական տնտեսական միության միջև ազատ առևտրի մասին համաձայնագիրը ոչ միայն Իրանին տրամադրում է 185 միլիոնանոց շուկա, այլև այն կարող է Իրանի համար մեծ դարպաս բացել դեպի եվրոպական երկրներ, որպեսզի օգտվելով Եվրասիական տնտեսական միության անդամների դյուրացումներից, այս երթուղուց ձեռք բերել համընդհանուր արտահանումների հնարավորություն ամբողջ աշխարհում։