Իրանի ֆուտզալը առաջինն է Ասիայում և 7-րդն է աշխարհում
Դեկտեմբեր 24, 2023 15:01 Asia/Tehran
Ֆուտզալի աշխարհի 2023 թվականի ազգային հավաքականների նոր վարկանիշային աղյուսակում Իրանի ֆուտզալի ազգային հավաքականը Ասիայում առաջինն է, իսկ աշխարհում՝ յոթերորդը։
2023 թվականի դեկտեմբերի վերջին շաբաթվա վարկանիշային աղյուսակում Իրանի ֆուտզալի ազգային հավաքականը 1593 միավորով գլխավորում է Ասիայի հավաքականները և զբաղեցնում է աշխարհի 7-րդ տեղը։
Իրանը շարունակում է մնալ միակ ասիական թիմը աշխարհի լավագույն 10 թիմերի մեջ։
Այս վարկանիշում Բրազիլիայի հավաքականը առաջատար է։
Ասիայի հավաքականների ցուցակում Իրանից հետո երկրորդ տեղում է Ճապոնիայի հավաքականը՝ 1409 միավորով (աշխարհում՝ 11-րդ), երրորդում՝ Թաիլանդը՝ 1230 միավորով (աշխարհում՝ 25-րդ), չորրորդում՝ Ուզբեկստանը՝ 1229 միավորով (աշխարհում զբաղեցնելով 26-րդ տեղը):