ՄԱԿ-ում Իրանի պատվիրակությունը դատապարտել է Եմենի դեմ ԱՄՆ-ի ու Բրիտանիայի ռազմական ագրեսիան
Դատապարտելով Եմենի դեմ ԱՄՆ-ի ու Բրիտանիայի ռազմական ագրեսիան, ՄԱԿ-ում Իրանի պատվիրակությունը հայտարարել է. «Միացյալ Նահանգների և Միացյալ Թագավորության անօրինական գործողությունները հակասում են միջազգային իրավունքին»:
ԻՌՆԱ-ի հաղորդմամբ՝ հայտարարության մեջ ասված է. «Այս չարդարացված պատերազմը խախտել է Եմենի ինքնիշխանությունը, միջազգային օրենքները, ՄԱԿ-ի կանոնադրությունը և Անվտանգության խորհրդի բանաձևերը և վտանգել տարածաշրջանի խաղաղությունն ու անվտանգությունը»։
ՄԱԿ-ում Իրանի ներկայացուցչությունը հայտարարել է. «ԱՄՆ-ի ու Մեծ Բրիտանիայի անօրինական գործողությունները հակասում են միջազգային օրենքներին և ՄԱԿ-ի ԱԽ 2722 բանաձևին: Այս բանաձևում Ռուսաստանի առաջարկած փոփոխություններին ընդդիմանալը վկայում է, որ ագրեսիան ծրագրվել է նախապես»:
Հունվարի 10-ին ՄԱԿ-ի ԱԽ-ն հաստատել էր ԱՄՆ-ի և Ճապոնիայի առաջարկած հակաեմենական 2722 բանաձևը՝ Կարմիր ծովում հարձակումների վերաբերյալ՝ չնշելով, սակայն, հարձակումների իրական պատճառներն ու անտեսելով Գազայի ռմբակոծության հարցում Իսրայելի ռեժիմին Վաշինգտոնի ցուցաբերած աջակցությունը:09:56