Անվտանգության խորհրդի նիստի շրջանակներում Ամիր Աբդոլլահյանի հանդիպումներն ու խորհրդակցությունները
Արևմտյան Ասիայի իրավիճակի թեմայով Անվտանգության խորհրդի նիստին մասնակցելու նպատակով Նյու-Յորք մեկնած Իրանի ԱԳ նախարար Հոսեյն Ամիր Աբդոլլահյանը հանդիպել և զրուցել է Լիբանանի, Ռուսաստանի արտաքին գործերի նախարարների և Սիրիայի հարցով ՄԱԿ-ի գլխավոր քարտուղարի հատուկ ներկայացուցչի հետ։
Ամիր Աբդոլլահյանը և Լիբանանի արտգործնախարար Աբդոլլահ Բու Հաբիբը քննարկել են երկկողմ, տարածաշրջանային և միջազգային հարաբերությունները։
Իրանի ԱԳ նախարարը երկուշաբթի երեկոյան հանդիպել է Ռուսաստանի արտգործնախարար Սերգեյ Լավրովի հետ և քննարկել տարածաշրջանային, միջազգային և երկկողմ հարցեր։
Իր երրորդ հանդիպմանը Ամիր Աբդոլլահյանը հանդիպել է Սիրիայի հարցերով ՄԱԿ-ի գլխավոր քարտուղարի հատուկ բանագնաց՝ Գիր Պեդերսոնին և զրուցել Արևմտյան Ասիայի տարածաշրջանում տեղի ունեցող զարգացումների շուրջ։
ԻԻՀ արտաքին գործերի նախարար Հոսեյն Ամիր Աբդոլլահյանը բարձրաստիճան պատվիրակության գլխավորությամբ երկուշաբթի կեսօրին ժամանեց Նյու Յորքի Ջոն Քենեդու անվան օդանավակայան։ Նրան դիմավորեցին ՄԱԿ-ում Իրանի մշտական դեսպան և ներկայացուցիչ Ամիր Սաիդ Իրավանին, ՄԱԿ-ում Իրանի դեսպան և փոխներկայացուցիչ Զահրա Էրշադին և Իսլամական Հանրապետության այլ դիվանագետներ:
Այս տարվա ընթացքում սա Իրանի արտգործնախարարի երրորդ այցն է Նյու Յորք։ Նա առաջին անգամ մեկնել է Նյու Յորք՝ Իրանի Իսլամական Նախագահի հետ մասնակցելու ՄԱԿ-ի Գլխավոր ասամբլեայի գագաթնաժողովին, իսկ երկրորդ անգամ մեկնել է ԱՄՆ՝ մասնակցելու ՄԱԿ-ի Գլխավոր ասամբլեայի արտակարգ նիստին։
ՄԱԿ-ի Անվտանգության խորհրդի նիստը՝ տարածաշրջանում վերջին զարգացումների և իսրայելա-պաղեստինյան պատերազմի քննարկման նպատակով, կայանալու է այսօր կեսօրին տեղական ժամանակով այս խորհրդի անդամ երկրների, ինչպես նաև տարածաշրջանի ազդեցիկ երկրների արտաքին գործերի նախարարների մակարդակով։
ՄԱԿ-ի Անվտանգության խորհրդի նիստին մասնակցելուց բացի, ԻԻՀ ԱԳ նախարարը պատրաստվում է նաև երկկողմ հանդիպումներ ունենալ իր գործընկերների և ՄԱԿ-ի պաշտոնյաների հետ։