Իրանի և Թուրքիայի միջև էլեկտրաէներգիայի փոխանակումը՝ Իրանի էլեկտրաէներգիան Եվրոպա արտահանելու նպատակով
Իրանի էլեկտրական ցանցերի կառավարման ընկերության ղեկավարը ասել է, որ Իրանի Իսլամական Հանրապետության և Թուրքիայի միջև էլեկտրաէներգիայի առևտրի ու փոխանակման տեխնիկական հարթակը պատրաստվել է ժամանակակից տեխնոլոգիաների կիրառմամբ և երկու երեկրների միջև էլեկտրաէներգիայի առևտրի ձևավորմամբ հող կպատրաստվի դեպի Եվրոպա էլեկտրաէներգիայի արտահանման համար։
Մեհդի Մողիմզադեն ավելացրել է, որ 400 կՎոլտ թողունակությամբ Իրանի հյուսիս-արևմուտքում գտնվող «Խոյ»-ից դեպի Թուրքիայի Վանի շրջանում գտնվող, 600 մեգավատտ հզորությամբ HVDC-BTB էլեկտրակայան տանող էլեկտրահաղորդման գծի շահագործման պայմանագրի ստորագրմամբ, որն իրականացվեց Իրանի Նախագահ Սեյեդ Էբրահիմ Ռաիսիի՝ Թուրքիա կատարած վերջին այցի ժամանակ երկու երկրների էլեկտրացանցերը շահագործող ընկերությունների գործադիր տնօրենների կողմից, հնարավորություն է ստեղծվել ժամանակակից տեխնոլոգիաներով Իրանի և Թուրքիայի միջև էլեկտրաէներգիայի փոխանակման համար։
Մողիմզադեն երկու երկրների միջև էլեկտրաէներգիայի առևտուրը համարել է համագործակցության ամրապնդման ու տնտեսական աճի գործոն՝ նշելով, որ դա ապահովում է դիվերսիֆիկացում և նվազեցնում է կախվածությունը էներգիայի այլ աղբյուրներից։
Մողիմզադեն հավելել է, որ բացի երկու երկրների միջև էլեկտրաէներգիայի առևտրի հնարավորությունից, ավելի լայն մակարդակում հնարավորություն կստեղծվի նաև այլ երկրների մասնակցությամբ էլեկտրաէներգիայի առևտրի կամ տարանցման համար։