Իրանի արտգործնախարարի ժամանել է Սիրիա
Իրանի ԱԳ նախարարը քաղաքական պատվիրակության ուղեկցությամբ ժամանել է Սիրիայի մայրաքաղաք Դամասկոս՝ հանդիպելու սիրիացի բարձրաստիճան պաշտոնյաների հետ։
Որպես իր տարածաշրջանային շրջագայության երկրորդ հանգրվան, Իրանի արտաքին գործերի նախարար Հոսեյն Ամիր Աբդոլլահյանը ժամանել է Սիրիա, որտեղ կհանդիպի և կզրուցի Սիրիայի նախագահ Բաշար Ասադի և Սիրիայի արտաքին գործերի նախարար Ֆեյսալ Մեղդադի հետ:
Իրանի դիվանագիտական ծառայության ղեկավարի այցը Սիրիա տեղի է ունենում այն պայմաններում, երբ ավելի քան չորս ամիս է անցել Գազայի հատվածում պաղեստինյան ճնշված ժողովրդի դեմ Սիոնիստական ռեժիմի զանգվածային հանցագործությունների սկզբից, և շարունակվում են Իսլամական Հանրապետության դիվանագիտական ջանքերը Գազայի հատվածում պատերազմը դադարեցնելու և պաղեստինցի ժողովրդին հումանիտար օգնություն ուղարկելու ուղղությամբ։
Որպես տարածաշրջանի ճգնաժամի կենտրոն՝ Գազայում պատերազմը դադարեցնելու հարցի վրա Իրանի դիվանագիտական ներուժի և կարողությունների կենտրոնացումը, ինչպես նաև մի շարք այլ երկրների, այդ թվում Հարավաֆրիկյան հանրապետության ջանքերը, որը վերջերս Սիոնիստական ռեժիմի դեմ հայցադիմում էր ներկայացրել Արդարության միջազգային դատարան, ինչն էլ հանգեցրեց իսրայելական կեղծ ռեժիմի դեմ ժամանակավոր վճռի կայացմանը, բոլորը կարևորում են այն փաստը, որ պատերազմը լուծում չէ, և լարվածությունը պետք է լուծվի դիվանագիտական ճանապարհով:
Դամասկոս կատարած իր այցից առաջ Իրանի արտգործնախարարն, նշելով, որ Սիոնիստական ռեժիմը, Գազայում իրականացրած կոտորածով հանդերձ, չի հասել իր հռչակած նպատակներից ոչ մեկին, ասել է, որ տարածաշրջանը գնում է դեպի քաղաքական կայունություն հաստատելու ուղղությամբ: