Իրանը դատապարտել է Սիոնիստական ռեժիմի հարձակումները Ռաֆահի դեմ
ԻԻՀ արտաքին գործերի նախարարության խոսնակ Նասեր Քանանին դատապարտել է Սիոնիստական ռեժիմի ավիահարվածները Ռաֆահի բնակելի թաղամասերի դեմ։
Երկուշաբթի առավոտյան Գազայի հատվածի հարավում գտնվող Ռաֆահի դեմ Սիոնիստական ռեժիմի հարձակումների ու ռմբակոծությունների հետևանքով նահատակվել է մոտ 100 մարդ, և մեծ թվով ուրիշներ վիրավորվել են։
Լրատվական աղբյուրները հայտնել են, որ զոհերի մեծ մասը կանայք և երեխաներ են։
Անդրադառնալով Ռաֆահում ավելի քան մեկ միլիոն պաղեստինցի փախստականների ապաստանությանը՝ Նասեր Քանանին զգուշացրել է, որ Սիոնիստական ռեժիմի ոտնձգությունը Ռաֆահի դեմ և ցամաքային հարձակման սպառնալիքն այս տարածքի վրա կարող է հումանիտար աղետի պատճառ դառնալ և մեկ այլ պատերազմական հանցագործություն իրականացվի անպաշտպան պաղեստինցիների դեմ։
Քանանին նշել է, որ նման մտադրությունն ու գործողությունը ոչ միայն հակասում և խանգարում է հրադադարի շուրջ ընթացող բանակցություններին, այլ նաև հակասում է Արդարադատության միջազգային դատարանի կողմից արձակված ժամանակավոր վճռին և սիոնիստների կողմից միջազգային իրավունքների խախտման բացահայտ դրսևորում է։
Զգուշացնելով այս բարբարոսական արարքի վտանգավոր հետևանքների մասին և մտահոգություն հայտնելով Սիոնիստական ռեժիմի կողմից իրականացվող ցեղասպանության շարունակման կապակցությամբ, Քանանին ասել է․- Եթե ԱՄՆ-ն ու սիոնիստների մյուս արևմտյան դաշնակիցները անկեղծորեն են արտահայտում իրենց մտահոգությունները տարածաշրջանի անվտանգության և կայունության վերաբերյալ, ժամանակն է, որ անհապաղ միջոցներ ձեռնարկեն՝ զսպելու Պաղեստինի անպաշտպան ժողովրդին սպանելու սիոնիստական իշխանությունների խելահեղ պահվածքը:
Քանանին ընդգծել է միջազգային կազմակերպությունների, հատկապես ՄԱԿ-ի պատասխանատվությունը Գազայի հատվածում Սիոնիստական ռեժիմի հարձակման շարունակությունը և հումանիտար աղետի սրումը կանխելու գործում։