Իրանի փոխարտգործնախարար. Իսրայելը խախտում է պաղեստինցիների ամենատարրական իրավունքները

Իրանի ԱԳ նախարարի իրավական և միջազգային հարցերով տեղակալը դատապարտելով Գազայի հատվածում Սիոնիստական ​​ռեժիմի կատարած հանցագործությունները, ասել է.-Իսրայելը խախտում է պաղեստինցիների՝ ջրին և սննդին հասանելիություն ունենալու ամենատարրական իրավունքները։

Parstoday- ի հայերեն բաժնի հաղորդման համաձայն՝ Իրանի ԱԳ նախարարի իրավական և միջազգային հարցերով տեղակալ Ռեզա Նաջաֆին հավելել է,- ՄԱԿ-ի գործակալությունների տվյալներով՝ իրավիճակը Գազայի հատվածում աղետալի է,  երկու միլիոն 200 հազար մարդ ապրում է առանց սննդի, ջրի ու առողջապահական խնամքի։

Նաջաֆին ասել է. - Իսրայելի օկուպանտ ռեժիմը խախտել է պաղեստինցիների ինքնորոշման իրավունքը և շարունակում է ոտնահարել այդ իրավունքը՝ փակելով Գազայի հատվածի բոլոր անցումները և ռմբակոծելով այս տարածքը։

Իրանի արտաքին գործերի նախարարի իրավական և միջազգային հարցերով տեղակալը  հստակեցրել է,-Իսրայելի օկուպանտ  ռեժիմը ոտնահարում է պաղեստինցիների հիմնական իրավունքները և Արևմուտքի աջակցությամբ և Դիմադրության ուժերի անակնկալ հարձակումներին պատասխան հարված հասցնելու համար Գազայում զանգվածային ջարդ է իրականացնում։

Պաղեստինի առողջապահության նախարարության հայտարարության համաձայն՝ Գազայի հատվածում 2023 թվականի հոկտեմբերի 7-ին Իսրայելի ցեղասպան ռեժիմի  սանձազերծած պատերազմի սկզբից ի վեր նահատակների թիվը հասել է ավելի քան 29 հազարի։