Քանանի. ԱՄՆ-ի կողմից մարդասիրական օգնություն ուղարկելը դեպի Գազա ծիծաղելի շոու է

Իրանի արտաքին գործերի նախարարության խոսնակը ծիծաղելի և միաժամանակ դառը շոու է համարել Ամերիկայի խորհրդանշական գործողությունը՝ Գազայի հատվածում մարդասիրական օգնություն ուղարկելու հարցում։

Իրանի ԱԳՆ խոսնակ Նասեր Քանանի Չաֆին, երկուշաբթի օրը իր ամենշաբաթյա ասուլիսում անդրադառնալով Սիոնիստական ​​ռեժիմի կողմից Գազայում անմեղ կանանց ու երեխաների սպանությանը և  Միացյալ Նահանգների անվերապահ աջակցությանը Սիոնիստական ​​ռեժիմին հայտարարել է. «Սիոնիստական ​​ռեժիմի հեռացումը ՄԱԿ-ի Կանանց հանձնաժողովից, մարդու իրավունքներին հավակնող երկրների համար մեծ քննություն է»։

Անդրադառնալով Կառավարիչների խորհրդի վերջերս կայացած հանդիպմանը՝ Քանանին հայտարարել է, որ Իրանի համագործակցությունը Ատոմային էներգիայի միջազգային գործակալության հետ շարունակվում է, և անհիմն և ոչ տեխնիկական հայտարարությունները չեն ազդում Թեհրանի կամքի վրա։ Քանանին հավելեց. «Իրանի խաղաղ միջուկային ծրագրի առաջխաղացումը Ատոմային էներգիայի միջազգային գործակալության հետ կշարունակվի երաշխիքների համաձայնագրի շուրջ »։

Իրանի դիվանագիտական ​​համակարգի խոսնակը նաև քննադատել է մարդու իրավունքների նկատմամբ արևմտյան երկրների երկակի մոտեցումը և նշելով, որ ԱՄՆ-ն Իրանին խանգարում է հատուկ հիվանդների (թիթեռ հիվանդների) համար անհրաժեշտ դեղամիջոցներ ուղարկելու հարցում ասել է, «Մեծ ու բացահայտ սուտ է, որ Ամերիկան ​​անընդմեջ և կեղծավոր կերպով հայտարարում է, որ պատժամիջոցներ չի կիրառել Իրանի ժողովրդի դեմ»։