Իրանի տարածքով տարանցման ծավալն աճել է ավելի քան 36 տոկոսով
Իրանի մաքսային ծառայությունը հայտարարել է, որ անցած տարի երկրի տարածքով տարանցման ծավալն աճել է 36,52%-ով և հասել 17 մլն 790 հազար տոննայի։
Նշված ժամանակահատվածում ամենախոշոր արտասահմանյան տարանցումն իրականացվել է հարավային Շահիդ Ռաջայի մաքսային տարածքից՝ 5 մլն 170 հազար տոննա։ Այս ցուցանիշը նախորդ տարվա նույն ժամանակահատվածի համեմատ աճել է 36,9 տոկոսով։
Տարանցման ծավալներով երկրորդ և երրորդ տեղերում են Փարվիզ Խան և Բաշմաք մաքսակետերը, համապատասխանաբար՝ 3 մլն 950 հազար տոննա և 1 մլն 938 հազար տոննա ծավալով:
Ըստ այս հաղորդման՝ տարի Փարվիզ Խան մաքսակետից տարանցումն աճել է 368%-ով, իսկ Բաշմաք մաքսակետից՝ 57%-ով։
4-10-րդ տեղերում են Բազարգանի մաքսակետը՝ 1 մլն 188 հազար տոննա, Սարխսի մաքսակետը՝ 723 հազար տոննա, Բիլեսվարի մաքսակետը՝ 674 հազար տոննա, Աստարայի մաքսակետը ՝ 549 հազար տոննա, Ջոլֆայի մաքսակետը ՝ 542 հազար տոննա, Բանդար Լանգեի մաքսակետը՝ 482 հազար տոննա և Աստարայի հատուկ տնտեսական գոտին՝ 456 հազար տոննա տարանցման ծավալով:
