ԱՄՆ նախկին պաշտպանության նախարար․ Իրանը պատերազմում առավելություն ունի

Ընդունելով Իրանի նկատմամբ պատերազմի ընթացքում Թեհրանի առավելությունը ՝ Թրամփի առաջին վարչակազմի պաշտպանության նախկին նախարար Մարկ Էսպերը հայտարարել է, որ Իրանը Հորմուզի նեղուցի վերահսկողության շնորհիվ բանակցություններում կարևոր ճնշման լծակ ունի։

Հղում անելով Իրանի հեռուստատեսությանը, Pars Today-ը հաղորդում է, որ՝ Մարկ Էսպերը ABC News-ին տված հարցազրույցում նշել է, որ Հորմուզի նեղուցի վերաբացման վերաբերյալ Իրանի ներկայացրած պայմանները ցույց են տալիս, որ Իրանի ղեկավարները բանակցություններում վստահ են իրենց դիրքերում և «կարծում են, որ հաղթում են, և իրականում այդպես էլ կա»։
CBS News-ի հաղորդավարուհի Մարգարեթ Բրենանը, քննադատելով Իրանի շուրջ զարգացումների վերաբերյալ Դոնալդ Թրամփի խոստումները, նշել է, որ չնայած Հորմուզի նեղուցի վերաբացման շուրջ հնարավոր համաձայնության մասին խոսակցություններին՝ «դեռ ոչինչ տեղի չի ունեցել»։
Միաժամանակ Հորմուզի նեղուցի վերաբացման շուրջ շարունակվող անորոշությունը հանգեցրել է նավթի համաշխարհային գների աճի։
Reuters-ի նոր հաղորդման համաձայն՝ Brent տեսակի նավթի գինն աճել է 1,44 տոկոսով՝ հասնելով մեկ բարելի դիմաց 84,79 դոլարի, իսկ West Texas Intermediate տեսակի նավթի գինը բարձրացել է 1,12 տոկոսով՝ հասնելով 79,29 դոլարի։