Հարևանների և հարավային երկրների հետ համագործակցության խորացումն Իրանի տնտեսական դիվանագիտության առանցքում
ԻԻՀ ԱԳՆ տնտեսական դիվանագիտության հարցերով փոխնախարարը հայտարարել է, որ կառավարության տնտեսական դիվանագիտության առաջնահերթությունը հարևանների, տարածաշրջանի երկրների, ասիական և հարավային երկրների հետ տնտեսական համագործակցության խորացումն ու ընդլայնումն է։
Շաբաթ օրը, ԲՐԻԿՍ անդամ երկրների դեսպանների հետ հանդիպմանը, Մեհդի Սաֆարին նշել է, որ տարածաշրջանային կազմակերպությունները, ինչպիսիք են ՇՀԿ-ն, ԲՐԻԿՍ-ը, Սևծովյան տնտեսական համագործակցության կազմակերպությունը, ԵԱՏՄ-ն, կարևոր տեղ ունեն Իրանի տնտեսական դիվանագիտության մեջ, և Իսլամական Հանրապետությունը դրանք դիտարկում է որպես Հարավ-Հարավ համագործակցության ընդլայնման մեծ հնարավորություն։
Նշելով, որ նման կառույցների շրջանակում համագործակցությունը ավելի է ամրապնդում երկկողմ և բազմակողմ հարաբերությունները, Սաֆարին հավելել է․ «Չնայած անօրինական և ճնշող միակողմանի պատժամիջոցներին, որոնք Իրանին զրկել են իր կարողությունների լիարժեք օգտագործումից, Իսլամական Հանրապետությունը տարբեր կառույցներում կատարել է իր դերը և որպես ECO-ի և D-8-ի հիմնադիր անդամներից մեկը, միշտ կարևոր դերակատարություն է ունեցել այդ խմբերի նպատակներն իրականացնելու հարցում»։
Նա հավելել է, որ որպես ՇՀԿ և ԲՐԻԿՍ անդամ, Իսլամական Հանրապետությունը վճռական է նպաստել այս կազմակերպությունների զարգացմանը, իսկ հունվարին ԵԱՏՄ հինգ անդամների հետ ստորագրելով ազատ առևտրի համաձայնագիր, որն ընդգրկում է նրանց միջև ընդհանուր առևտրի գրեթե 90%-ը, բարելավել է իր հարաբերություններն այս տնտեսական միության հետ։
