Հնդկաստանի ազգային արխիվում բացվել է Պարսից ծոցի վերաբերյալ 400 հազար փաստաթղթերի ցուցադրությունը
Հնդկաստանի ազգային արխիվում բացվել է Պարսից ծոցի վերաբերյալ 400 հազար փաստաթղթերի ցուցադրությունը։
Pars Today կայքի հայերեն բաժնի փոխանցմամբ՝ Հնդկաստանում ԻԻՀ դեսպանի, մշակութային խորհրդականի և այդ երկրի ԲՈՒՀ-երի մի խումբ դասախոսների մասնակցությամբ կայացած արարողության ժամանակ, ներկայացվել են Պարսից ծոցի մասին պատմական փաստաթղթեր պարունակող տասնյակ գրքեր:
Պարսից ծոցից 3 հազար կմ հեռավորության վրա, Հնդկաստանի ազգային արխվում, պահվում են պարսկերեն լեզվով և պատմության չափ հին փաստաթղթեր։ Այս արխիվում կա ավելի քան 1․4 միլիոն պարսկերեն լեզվով փաստաթուղթ։ Այդ պատճառով, Հնդկաստանի ազգային արխիվը համարվում է պարսկական փաստաթղթերի կարևորագույն կենտրոններից մեկը։
Այդ փաստաթղթերից կարելի է նշել Պարսից ծոցի փաստաթղթերի հավաքածուն, որը արժեքավոր տեղեկություններ է տալիս բրիտանական ներկայության ընթացքում տարածաշրջանի պատմության, քաղաքականության ու հարաբերությունների մասին։
Հնդկաստանի համալսարանենրի մի շարք դասախոսներ կարծում են, որ զբոսաշրջային գրավչությունների, նավթի և գազի մեծ պաշարների և Պարսից ծոցի աշխարհագրական կարևոր դիրքի պատճառով, արտատարածաշրջանային երկրները փորձել են շարունակել իրենց ներկայությունն այս տարածաշրջանում՝ ծոցի երկրների հարստությունը թալանելու նպատակով։
Ցուցադրության նպատակն է Պարսից ծխոցի վերաբերյալ փաստաթղթերն ավելի հասանելի դարձնել աշխարհի տարբեր հետազոտական կենտրոնների ու հետազոտողնեորի համար։