Իսրայելի կեղծ պնդումներն Իրանի դեմ՝ աշխարհի ուշադրությունը Գազայի հանցագործություններից շեղելու փորձ
ՄԱԿ-ում Իրանի ներկայացուցիչը Իրանի դեմ Իսրայելի պնդումները համարել է Գազայի հատվածի ժողովրդի դեմ Սիոնիստական ռեժիմի կողմից իրականացվող հանցագործություններից միջազգային ուշադրությունը շեղելու փորձ։
Parstoday-ի հայերեն բաժնի փոխանցմամբ՝ ՄԱԿ-ում Իրանի մշտական ներկայացուցիչ և դեսպան Ամիր Սաիդ Իրավանին Անվտանգության խորհրդի հերթական նախագահին և ՄԱԿ-ի գլխավոր քարտուղար Անտոնիո Գուտերեշին ուղղված նամակում՝ մերժելով Իրանի Իսլամական Հանրապետության դեմ Սիոնիստական ռեժիմի անտեղի պնդումները, դրանք համարել է անհիմն և պարզապես զուր ջանքեր միջազգային ուշադրությունը Գազայի հատվածում Իսրայելի ապարտեիդի ռեժիմի կողմից Պաղեստինի ժողովրդի դեմ իրականացվող իր նողկալի հանցագործություններից և ցեղասպանությունից շեղելու համար։
Իրավանին հավելել է, որ Իրանի դեմ Սիոնիստական ռեժիմի անհիմն պնդումները զուր ջանքեր են՝ օրինականացնելու Իսրայելի ռեժիմի շարունակվող ագրեսիան Լիբանանի դեմ և քողարկելու միջազգային օրենքների , ՄԱԿ-ի կանոնադրության և Անվտանգության Խորհրդի թիվ 1559 (2004թ․) և 1701 (2006թ․) բանաձևերի շարունակական խախտումները։
ՄԱԿ-ում Իրանի դեսպանն ու մշտական ներկայացուցիչը նաև նշելով, որ Իսրայելի դեմ Իրանի «Ազնիվ խոստում» պատժիչ գործողությունն իրականացվել է օրինական պաշտպանության իրավունքի շրջանակներում, ընդգծել է, -Իրանի Իսլամական Հանրապետությունը երբեք Իսրայելի ռեժիմի դեմ պատերազմ չի նախաձեռնել և ապագայում նույնպես մտադիր չէ դա անել։
ՄԱԿ-ում Իսլամական Հանրապետության դեսպանը հավելել է, որ Իրանը իրեն վերապահում է միջազգային օրենքներով սահմանված իր իրավունքը՝ արձագանքելու իր ինքնիշխանության, տարածքային ամբողջականության, անվտանգության և ազգային շահերի դեմ ցանկացած ուժի կիրառման կամ ագրեսիայի:
Երկուշաբթի օրը՝ 2024 թվականի ապրիլի 1-ին, Սիոնիստական ռեժիմը ահաբեկչական հարձակման ենթարկեց Դամասկոսում Իրանի դեսպանատան հյուպատոսական բաժինը, որը հանգեցրեց Իրանի 7 ավագ ռազմական խորհրդականների նահատակության:
Իսլամական հեղափոխության մեծարգո առաջնորդ, Իրանի զինված ուժերի գերագույն-գլխավոր հրամանատար Այաթոլլահ Խամենեին Թել Ավիվի գործողությունը որակեց հարձակում Իրանի Իսլամական Հանրապետության տարածքի վրա և ընդգծեց, որ Սիոնիստական ռեժիմը «կպատժվի»։
Ուստի, կիրակի (14 ապրիլի, 2024թ.) առավոտյան Իսլամական հեղափոխության պահապանների կորպուսը Ազնիվ խոստում պատժիչ գործողության շրջանակում հրթիռներ ու ԱԹՍ-ներ կրակելով օկուպացված տարածքների ուղղությամբ՝ պատժեց այս ագրեսոր ռեժիմին։
