Ռուս իրանագետ․ Իրանն առաջընթացի մոդել է Արևմուտքի ու Արևելքի համար
Ռուս իրանագետ, բանաստեղծ և գրող Լյուդմիլա Ավդեևան կարծում է, որ իսլամական հեղափոխությունից հետո ժամանակակից Իրանը մի քանի տասնամյակում անցել է առաջընթացի այնպիսի ճանապարհ, որի համար անհրաժեշտ է մի քանի դար և այսօր օրինակելի մոդել է դարձել Արևելքի ու Արևմուտքի համար։
Իսլամական հեղափոխության, Իմամ Խոմեյնիի և ԻԻՀ գերագույն առաջնորդի մասին ութ գրքերի հեղինակ Ավդեևվան, այս մասին ասել է Մոսկվայում ԻՌՆԱ-ի հետ հարցազրույցում։
Իսլամական հեղափոխության տարիներին նա եղել է Իրանում ԽՍՀՄ նախկին դիվանագետներից մեկի կինը և դասվանդել է ռուսերեն լեզու։ Ավդեևան ասում է, որ Իրանը հոգևոր մշակույթ ունեցող ամենափայլուն երկրներից է։
Ավեդևան ասել է․ «Ես Իրանում աշխատել եմ հեղափոխությունից առաջ և հետհեղափոխական, ինչպես նաև Իրան-Իրաք պատերազմի տարիներին։ Եվ կարող եմ ասել, որ վերջին տարիներին Իրանը թռիչքային զարգացում է ապրել, ինչը հոգևոր առաջնորդի և աշխատասեր ժողովրդի ձեռքբերումն է»։
Նրա խոսքով․
«Իրանի հնագույն մշակույթը ներառում է պոեզիա, ճարտարապետություն ու արվեստ, ինչն անհասանելի է շատ երկրների համար»:
Խոսելով համաշխարհային անարդար կառավարման մոդելի դեմ պայքարում Իրանի ու Ռուսաստանի մերձեցման մասին, Ավդեևան ասել է․ «Հաշվի առնելով, որ երկու երկրներն ունեն ընդհանուր տեսակետներ ու դիրքորոշումներ, երկկողմ հարաբերությունները պետք է ընդլայնվեն»։
Նրա խոսքով․ «Իրանն ու Ռուսաստանն ունեն ընդհանուր մշակութային և հոգևոր արմատներ։ Երկու երկրների ժողովուրդները շատ աշխատասեր և վճռական են իրենց երկրներն ամենաբարձր մակարդակի հասցնելու հարցում»։