Միջազգային համաժողով՝ «Կրոնական գործիչները և Գազայի հարցը» խորագրով
Այսօր երեքշաբթի Թեհրանում միաստվածային կրոնների առաջնորդների ներկայությամբ տեղի է ունեցել «Կրոնական գործիչները եւ Գազայի հարցը» միջազգային համաժողովը։
Միջոցառումը տեղի է ունեցել Իսլամական մշակույթի և մտքի հետազոտական ինստիտուտի ղեկավար այաթոլլա Ալի Աքբար Ռաշադի, Թեհրանի հայոց թեմի առաջնորդ Տեր Սեպուհ արքեպիսկոպոս Սարգսյանի, և հրեաների, զրադաշտականների ու ասորիների հոգևոր առաջնորդների ներկայությամբ։
Իսլամական մշակույթի և մտքի հետազոտական ինստիտուտի ղեկավար և հիմնադիր այաթոլլա Ալի Աքբար Ռաշադն այս համաժողովում ասաց. «Այսօր Պաղեստինի հարցը չի վերաբերում միայն մեկ տարածաշրջանին, այլ այն ինչ տեղի է ունենում համաշխարհային մասշտաբով է, և տարածաշրջանային հակամարտություն չէ»։
Ընդգծելով, որ Պաղեստինի պատերազմը համաշխարհային պատերազմ է՝ նա հավելեց. «Գաղութացման մեթոդները փոխվել են,անցյալում զորաշարժ էին անում և մի ժողովրդի գերում էին, հետագայում նրանք կիրառեցին այլ մեթոդներ՝ որպես նոր գաղութատիրություն։ Աշխարհի կեսը չպետք է կանգնի մյուս կեսի դեմ և հարձակվի մյուս կողմի վրա»։
Այաթոլլա Ալի Աքբար Ռաշադն ասել է.-«Սիոնիստական ռեժիմը չհասավ իր հայտարարած նվազագույն նպատակներին, նա ցանկանում էր ոչնչացնել ՀԱՄԱՍ-ը, սակայն համաշխարհային ՀԱՄԱՍ-ը և Պաղեստինի հարցը վերածնվեցին»։