Իրանը քննադատել է Միջազգային քրեական դատարանի նկատմամբ ճնշումների գործադրումը
ԻԻՀ ԱԳՆ խոսնակը հայտարարել է, որ Միջազգային քրեական դատարանի դատավորներին ուղղված՝ ԱՄՆ Կոնգրեսի և Սենատի որոշ ներկայացուցիչների սպառնալիքներն ու ճնշումների գործադրումը մտահոգիչ ու ամոթալի է։
ԻՌՆԱ-ի հաղորդմամբ՝ Նասեր Քանաին X-ում գրել է․ «ԱՄՆ Կոնգրեսի և ԱՄՆ Սենատի մի խումբ ներկայացուցիչներ փորձում են սպառնալ և ճնշում գործադրել Միջազգային քրեական դատարանի դատախազների և դատավորների վրա, Սիոնիստական ռեժիմի քաղաքական ու ռազմական պաշտոնյաների կողմից ռազմական հանցագործությունների և ցեղասպանության անձեռնմխելիությունն ապահովելու համար։ Սա ամոթալի և մտահոգիչ է»։
Նա նշել է․ «Միջազգային քրեական դատարանի դատախազների և դատավորների աշխատանքին միջամտությունը հակասում է պատերազմական հանցագործներին պատժելու դատարանի նպատակներին։ Իսկ նման սպառնալիքների դեմ լռությունը կկանխի արդարադատության իրականացումը և կնպաստի պաղեստինցիների նկատմամբ հանցագործությունների շարունակությանը»։
ԱՄՆ մի խումբ կոնգրեսականներ հայտարարել են, որ եթե Հաագայի դատարանը Սիոնիստական ռեժիմի պաշտոնյաների ձերբակալության վճիռ արձակի, իրենք կբարձրացնեն այս դատարանի դատավորներին պատժելու մասին օրենքի հարցը։
