ԻԻՀ գերագույն առաջնորդ. Նահատակ Ռայիսին՝ անխոնջ ու աշխատասեր և հեղափոխության կարգախոսների մարմնացում էր
Իրանի Իսլամական հեղափոխության գերագույն առաջնորդ Այաթոլլահ Խամենեին երկրին ծառայած նահատակների ընտանիքների հետ հանդիպման ժամանակ ասել է. -«Նահատակ Ռայիսին՝ անխոնջ ու աշխատասեր և հեղափոխության կարգախոսների մարմնացում էր»։
Իսլամական հեղափոխության գերագույն առաջնորդ Այաթոլլահ Խամենեին այսօր առավոտյան երկրին ծառայած նահատակների ընտանիքների հետ հանդիպման ժամանակ ցավակցություն է հայտնել նրանց և ժողովրդին ծառայելը, ժողովրդի համար աշխատելը և ժողովրդական լինելը այս նահատակների ամենացայտուն հատկանիշները համարելով ասել է,- «Հանգուցյալ նահատակ Սեյյեդ Էբրահիմ Ռայիսին ցերեկ-գիշեր աշխատում էր և բառիս բուն իմաստով նա անխոնջ ու աշխատասեր էր»։
Այաթոլլահ Խամենեին հանգուցյալ նահատակ Հոսեյն Ամիր Աբդոլլահյանին ևս անվանելով անխոնջ ու աշխատասեր հավելեց՝,- «Նահատակներ Ռայիսիի և Ամիր Աբդոլլահյանի ծառայություններն ու ջանքերը ներքին և արտաքին ճակատներում նկարագրելը երկար ու հանգամանալի պատմություն է»:
Իսլամական հեղափոխության գերագույն առաջնորդն անդրադառնալով Իսլամական Հանրապետությունից ժողովրդի բաժանված լինելու կապացկությամբ թշնամիների քարոզչությանն ու պնդումներին, հավելեց. -«Այս դեպքը փաստորեն աշխարհի աչքի առաջ ապացուցեց,որ Իրանի ժողովուրդը ինչպես է կապված ու հավատարիմ Հանրապետության նախագահին և հեղափոխության կարգախոսները մարմնավորողներին»:
Նա հանգուցյալ Ռայիսիին անվանեց հեղափոխության կարգախոսների մարմնացում և ընդգծեց. «Նահատակ Ռայիսին հենց սկզբից երբ սկսեց ընտրական քարոզարշավը, ապավինեց հեղափոխության կարգախոսներին և իմամի խոսքերին, և ամբողջ աշխարհը նրան ճանաչում էր որպես հեղափոխության նախագահ»:
Իսլամական հեղափոխության գերագույն առաջնորդը հավելել է.-«Երբ մարդիկ այսպիսի շքեղությամբ աջակցում և մեծարում են այս մարդուն , դա նշանակում է աջակցել հեղափոխության կարգախոսներին»:
Այաթոլլահ Խամենեին նահատակ Ալ-Հաշեմի կարևոր կետերից մեկն անվանել է ուրբաթօրյա աղոթքի իմաստի փոփոխությունը և նշել. -«Երբ հանգուցյալ Ալ-Հաշեմը նշանակվեց Թավրիզի ուրբաթօրյա աղոթքի պետ, այս աղոթքը սոսկ բարեպաշտությունից վերածեց նվիրական, հոգեւոր, ծառայողական եւ ժողովրդական արարողության»:
Նա նահատակ Մուսավիի և նահատակ Ռահմաթիի և ինքնաթիռի անձնակազմի նահատակների առանձնահատուկ հատկանիշներից է համարել աշխատանքն ու ջանասիրությունը և ընդգծել. -«Այս հատկանիշները պատճառ են դարձել,որ Աստծված նրանց դարձնի Իրանի ժողովրդի պարծանքը»:
Անդրադառնալով Թավրիզում, Ղոմում, Թեհրանում, Շահրիարում, Բիրջանդում, Մաշհադում, Մարաղեում, Զանջանում և Նաջաֆաբադում այս նահատակների հուղարկավորության ժամանակ ժողովրդի շարժմանն ու ընդվզմանը, Իսլամական հեղափոխության առաջնորդն ասաց. -«Այս հոյակապ հուղարկավորությունը ցույց տվեց, որ Իրանի ժողովուրդը կենդանի է»:
Այսօր առավոտյան լուսահոգի Իմամ Խոմեյնիի անվան հոսեյնիեում (աղոթավայր) տեղի ունեցավ երկրին ծառայած նահատակների՝ Հոջաթ-օլ-Էսլամ վալ-Մոսլեմին նահատակ Սեյեդ Էբրահիմ Ռայիսիին, Հոսեյն Ամիր Աբդոլլահյանին, Թավրիզի ուրբաթօրյա աղոթապետ Հոջաթ-օլ-Էսլամ վալ-Մոսլեմին ալ-Հաշեմին, Արևելյան Ատրպատականի նահանգապետ Մալեք Ռահմաթիին, նախագահի պաշտպանության ստորաբաժանման և թռիչքային անձնակազմի հրամանատար գեներալ Սեյեդ Մեհդի Մուսավիին, օդաչուներ՝ բրիգադային գեներալ՝ Սեյեդ Թահեր Մուստաֆավիին, բրիգադային գեներալ Մոհսեն Դարյանուշին և տխնիկական երկրորդ գնդապետ Բեհրուզ Ղադիմիին նվիրված հիշատակի արարողություն։
Այս արարողությանը մասնակցել էին տարբեր խավերի հազարավոր քաղաքացիներ, նահատակների ընտանիքներ, եռյակ ուժերի ղեկավարներ, քաղաքացիական և զինվորական պաշտոնյաներ, օտարերկրյա հյուրեր, հատկապես Իրաքի նախագահը և այս երկրի մի շարք այլ պաշտոնյաներ, ինչպես նաև դեսպաններ։ Ղուրանի միջազգային ընթերցողներ հատվածներ ընթերցեցին Ղուրանից և Ահլ ալ-Բեյթի(Մոհամմադ մարգարեի ընտանիքի) գովերգուները գովերգեցին Մոհամմադ մարգարեի ընտանիքին և անդադարձան տեղի ունեցած ողբերգությանը։
