Ծաղիկների և վարդաջրի երկիր - Հայացք Իրանում վարդաջրի թորմանը
Վարդաջրի թորման արարողությունն իր պատմությունը ունի իրանական մշակույթի և ավանդույթի մեջ և ամեն տարի այն ավելի շքեղ է, քան նախորդ տարի Իրանի 14 նահանգներում, որոնք վարդաջրի թորման կենտրոններն են, ուստի ծաղկաքաղի և վարդաջրի թորման արարողությունը Քաշանում և Ֆարս նահանգի Մեյմանդ քաղաքում՝ Իրանը դարձրել է գարնանային ամենակարևոր զբոսաշրջային վայրերից մեկը։
Այս արարողությունը հիմնականում անցկացվում է մայիսի սկզբից մինչև հունիսի վերջը (ըստ եղանակային և կլիմայական պայմանների) և Իրանից ու արտերկրից հազարավոր զբոսաշրջիկներ այցելում են այդ արարողությանը:
Մոհամադի ծաղիկը (Persian Rose) այն ծաղիկներից է, որի անունը կապված է Իրանի հետ։ Իրանում վարդեր տնկվել են դարեր շարունակ և նրանց վարդագույն գույնը գունավորում է հարթավայրերն ու ջերմոցները հատկապես մայիս ամսին։
Այսօր Քաշան քաղաքը աշխարհի վարդաջրի թորման կենտրոնն է, իսկ Քաշանի երկու շրջանները՝ Ղամսարը և Նիասարը, ունեն ամենաշատ վարդաջրի թորման արտադրամասերը: Միայն Քաշան քաղաքի Ղամսար, Նիասար, Ջոշղան և Բարզակ քաղաքներում արտադրվում է ավելի քան 15000 տոննա ծանր վարդաջուր, որոնց մեծ քանակությունը արտահանվում է այլ երկրներ։
Մոհամադի ծաղիկների ծաղկման հետ մեկտեղ Ֆարս նահանգի Քաշան և Մեյմանդ քաղաքների գյուղերից կանայք և տղամարդիկ գնում են այգիներ և դաշտեր ու ծաղիկներ հավաքում՝ հաճախ վաղ առավոտյան, մինչև որ եղանակը տաքանա:
Ծաղկահավաքի ժամանակ հարյուրավոր ծաղկեպսակներ են պատրաստում, և դրանք կրում են ժպտադեմ երեխաները։
Իրանի որոշ գյուղերում ծաղկահավաքի ժամանակ հարսնացուի գլխին մոհամադի ծաղիկներ են լցնում ու երջանկություն են մաղթում։
Գոլղալթանը (ծաղկապատում) ևս մեկ ծես է, որը տեղի է ունենում ծաղկահավաքի ժամանակ:
Ծաղկահավաքը սիրով զբաղվելու հնարավորություն է: Այն չի տարբերվում տղամարդկանց ու կանանց, ծերերի ու երիտասարդների միջև։
Ծաղկահավաքից հետո ծաղիկները հավաքում են զամբյուղներում կամ մեծ պարկերում։
Ընտրված ծաղիկները մաքրվում են ավելի լավ վարդաջուր ստանալու համար:
Մոհամադիի ծաղիկները լցնում են պղնձե մեծ կաթսաների մեջ, որպեսզի թորման միջոցով դառնան մաքուր իրանական վարդաջուր:
Ավանդական եղանակով վարդաջուր հանելու համար նախ կրակի վրա են դնում պղնձե կաթսաները և յուրաքանչյուր կաթսայի մեջ լցնում մոտավորապես 30 կգ քաղված Մոհամադի ծաղիկներից և ավելացնում 80 լիտր ջուր։ Դրա վրա դրվում է պղնձե կափարիչ և ծանրաձող՝ վերահսկելու գոլորշու կողմից ստեղծված ճնշումը, և վերջապես կաթսայի և պղնձե կափարիչի միջև եղած բացը լրացվում է՝ հատուկ ծածկույթով, որը սովորաբար թառամած ծաղկի ու ալյուրի խառնուրդ է։
Եւ արդյունքը՝ իրանական մաքուր վարդաջուրն է։