Իմամ Խոմեյնիի կանխատեսումն իրականություն է դառնում․ Սիոնիստական ռեժիմը կործանման ճանապարհին է
Pars Today լրատվական գործակալության հաղորդման համաձայն, երկուշաբթի առավոտյան, Իսլամական հանրապետության հիմնադիր հոգելույս Իմամ Խոմեյնիի մահվան 35-րդ տարելիցի առիթով ելույթ է ունեցել իսլամական հեղափոխության մեծարգո առաջնորդը։
Մեծ թվով իրանցիների ներկայությամբ իր ելույթում մեծարգո այաթոլլահ Խամենեին ասել է․- Պաղեստինի մասին հոգելույս իմամի 50 տարի առաջ կատարած կանխատեսումը աստիճանաբար իրականանում է, և Ալ-Աքսայի փոթորիկ հրաշագործ գործողությունը խափանել է տարածաշրջանին և իսլամ աշխարհին տիրելու թշնամիների մեծ ծրագրերը, որի արդյունքում ոչնչացման եզրին է կանգնել Սիոնիստական ռեժիմը, և Գազայի ժողովրդի դրվատելի և հավատքից բխած դիմադրության շնորհիվ Սիոնիստական զավթիչ ռեժիմն անհետանում է։
Իմամ Խամենեին իր ելույթի առաջին բաժնում, բացատրելով պաղեստինյան հարցի կարևորությունը հոգելույս իմամ Խոմեյնիի տեսանկյունից, ասաց. - Իսլամական շարժման առաջին օրվանից, հոգելույս Իմամ Խոմեյնին կարևորել է Պաղեստինի հարցը և մեծ ուշադրությամբ ու հեռատեսությամբ կանխատեսել է Պաղեստինի ժողովրդի ապագան, որն այսօր իրականանում է։
Հաշտության բանակցությունները չկարևորելը, Պաղեստինի ժողովրդի իրավունքների իրացումը և բոլոր ժողովուրդների, հատկապես մուսուլմանների աջակցությունը պաղեստինցիների նկատմամբ, Պաղեստինի ժողովրդի հաղթանակի համար Իմամի տեսակետներն էին, որոնք այսօր իրական են դառնում,-ասել է մեծարգո այաթոլլահ Խամենեին։
Անդրադառնալով Ալ-Աքսայի փոթորիկ գործողության պատճառով նեղ դրության մեջ հայտնված Սիոնիստական ռեժիմին, հեղափոխության մեծարգո առաջնորդն ասել է․- Չնայած ԱՄՆ-ի և արևմտյան շատ կառավարություններ շարունակում են աջակցել Սիոնիստական ռեժիմին, սակայն գիտեն, որ օկուպացիոն ռեժիմի համար փրկության ելք չկա։
Իմամ Խամենեին Ալ-Աքսայի փոթորկի գործողության երկու կարևոր հատկանիշ է համարել «տարածաշրջանի կարևոր կարիքների բավարարումը» և «հիմնական հարված հասցնել հանցավոր ռեժիմին»: Նա հավելել է․- Միացյալ Նահանգները, գլոբալ սիոնիզմի տարրերը և որոշ տարածաշրջանային կառավարություններ մշակել էին մեծ և մանրամասն ծրագիր՝ փոխելու տարածաշրջանի հարաբերություններն ու հավասարումները՝ Սիոնիստական ռեժիմի և տարածաշրջանային կառավարությունների միջև ցանկալի կապեր ստեղծելով, հող նախապատրաստել Սիոնիստական ռեժիմի համար Արևմտյան Ասիայի և իսլամական աշխարհիտնտեսությանն ու քաղաքականությանը տիրելու համար։
Մեծարգո առաջնորդը հավելեց. «Այս չարաբաստիկ ծրագիրը շատ մոտ էր իրագործմանը, սակայն սկսվեց Ալ-Աքսայի փոթորիկը և ի չիք դարձրեց ԱՄՆ-ի, սիոնիզմի և նրանց հետևորդների ձեռնարկած քայլերը, այնպես որ վերջին 8 ամիսների իրադարձությունները հաշվի առնելով, այդ պլանը վերականգնելու հույս չկա։
Իսլամական հեղափոխության առաջնորդը նշել է, որ Սիոնիստական ռեժիմի վայրագություններն ու ԱՄՆ-ի հովանավորությունն այդ անմարդկային գործողությունների նկատմամբ, տարածաշրջանում Սիոնիստական ռեժիմին գերիշխող դարձնելու միջազգային մեծ դավադրության չեղարկման նկատմամբ նյարդային արձագանքներ են։
Ալ-Աքսա փոթորկի երկրորդ առանձնահատկությունը բացատրելիս, որն է անուղղելի հարված հասցնել Սիոնիստական ռեժիմին, մեծարգո առաջնորդը վկայակոչել է ամերիկացի և եվրոպացի վերլուծաբանների ու փորձագետների և նույնիսկ Սիոնիստական ռեժիմին մոտ կանգնած անձանց խոստովանություններին և ասել․- Նրանք էլ խոստովանել են, որ Սիոնիստական զավթիչ ռեժիմն իր սնապարծությամբ, ծանր պարտություն է կրել Դիմադրության մի խմբից և 8 ամիս անց, չի իրագործվել այդ ռեժիմի նպատակներից և ոչ մեկը։
Անդրադառնալով արևմուտքցի մի վերլուծաբանի խոսքերին 21-րդ դարը փոխելու Ալ-Աքսայի փոթորիկ գործողությանուժի մասին, Իմամ Խամենեին նշել է. - Այլ վերլուծաբաններ և պատմաբաններ ևս մատնանշել են Սիոնիստական ռեժիմի խառնաշփոթ վիճակը, արտագաղթի ալիքը, գրավյալ տարածքների բնակիչներին պաշտպանելու անկարողությունը և սիոնիստական նախագծի ավարտին մոտենալը և ընդգծել են, որ «Սիոնիստական ռեժիմի վախճանը մոտ է»։
Նշելով, որ Պաղեստինի հարցը դարձել է աշխարհի առաջին հարցը և անդրադառնալով Լոնդոնում, Փարիզում և ԱՄն-ի համալսարաններում տեղի ունեցող հակասիոնիստական ցույցերին, մեծարգո առաջնորդն ասաց․- Երկար տարիներ ամերիկա-սիոնիստական քարոզչական և լրատվական կենտրոնները փորձում էին մոռացության մատնել Պաղեստինի հարցը, սակայն Ալ-Աքսայի փոթորիկ գործողության և Գազայի ժողովրդի դիմադրության լույսի ներքո Պաղեստինն այժմ աշխարհի առաջին խնդիրն է, և Միացյալ Նահանգները պասիվացել է ազգերի գլոբալ կոնսենսուսի առաջ և վաղ թե ուշ հարկադրված է լինելու անտեսել Սիոնիստական ռեժիմին։
Մեծարգո առաջնորդը Դիմադրության մեծ ճակատի հնարավորությունների վերաբերյալ, Սիոնիստական ռեժիմի սխալ հաշվարկն այդ ռեժիմի փակուղային միջանցք մտնելու պատճառ համարեցև նշեց, որ Աստծո կամոք այդ ռեժիմը չի կարող շարունակ ձախողելու է և անկարող է լինելու դուրս գալ այդ փակուղուց։
Իսլամական հեղափոխության մեծահարգ առաջնորդը Պաղեստինի մասին իր խոսքերն ամփոփեց հետևյալ նախադասություններով․
Չնայած Արևմուտքի քարոզչությանը, Սիոնիստական ռեժիմը կորչում ու վերջանում է աշխարհի մարդկանց աչքերի առաջ, և ժողովուրդներից բացի, աշխարհի բազմաթիվ քաղաքական գործիչներ և նույնիսկ սիոնիստները հասկացել են այս փաստը։
Իմամ Խամենեին իր խոսքի երկրորդ մասում անդրադարձավ սիրելի և անխոնջ նախագահի և նրա ուղեկիցների նահատակության դեպքին և ասաց.- Նրանք բոլորը մեծ արժեք էին ներկայացնում։
Սուրբ Ղուրանի Բաղարա այան ասում է. «Աստծո ճանապարհին սպանվածներին մահացած մի կոչեք, որովհետև նրանք ողջ են, բայց դուք չգիտեք», և քանի որ այս այայում ռազմական գործողությունների և պատերազմի մասին խոսք չկա, ժողովրդին ծառայելը Աստծո ճանապարհին կատարված աշխատանք է։ Հետևաբար ժողովրդին ծառայելու, նրանց համար ջիհադական աշխատանքի, երկրի կառավարման և Իսլամական Հանրապետության համակարգի առաջընթացի ճանապարհին զոհված անձը նահատակ է համարվում։
Իսլամական հեղափոխության առաջնորդն իր խոսքի մեկ այլ կարևոր հատվածում առաջիկա նախագահական ընտրությունները համարեց մեծ և ձեռքբերումներով լի երեւույթ և ասաց. - Եթե Աստված տա, որ այս ընտրությունները լավ ու շքեղ անցնեն, և այս ողբերգական դեպքից հետո ժողովուրդը մեծ ձայներով ընտրի հաջորդ պաշտոնյային, դա մեծ ձեռքբերում կլինի Իրանի ժողովրդի համար և հրաշալի արտացոլում կունենա աշխարհում, հետևաբար հունիսի 28-ի ընտրությունները շատ կարևոր են։
