Բաղերի. Կանադայի որոշումը նվեր է ահաբեկչությանը և խաղաղության թշնամիներին
Կանադայի կառավարությունը, որն ահաբեկչական խմբավորումների աջակիցներից և ապաստան տվողներից է, միջազգային օրենքներին հակասող քայլով, ահաբեկչական խմբերի ցանկում է ներառել ԻՀՊԿ անունը։
Իրանի հեռուստատեսության հաղորդմամբ՝ ԻԻՀ ԱԳ նախարարի պաշտոնակատար Ալի Բաղերի Քանին, արձագանքելով Օտտավայի այս քայլին, X-ի իր էջում գրչել է․ «Իրանի զինված ուժերի անբաժան մասը համարվող և երկրի ազգային անվտանգության և տարածքային ամբողջականության, տարածաշրջանի անվտանգության ու կայունության պաշտպանության և ԻԼԻՊ-ին հաղթելու հարցում կարևոր դերակատարություն ունեցող Պահապանների կորպուսի անունն ահաբեկչճական խմբերի ցանկում ներառելու Կանադայի որոշումը չմտածված քայլ է, որը խախտում է միջազգային իրավունքի սկզբունքներն ու կանոնները և նվեր է ցեղասպան ռեժիմին, ահաբեկիչներին և տարածաշրջանային խաղաղության և կայունության թշնամիներին»։
ԻՀՊԿ անունն ահաբեկչական խմբավորումների ցանկում ներառելու Կանադայի կառավարության թշնամական քայլից հետո, Թեհրանում Իտալիայի դեսպանը, ով պատասխանատու է Կանադայի շահերի պաշտպանության համար, կանչվել է ԱԳՆ, որտեղ վերջինս փոխանցվել է ԻԻՀ խիստ բողոքը՝ Օտտավայի կառավարության կողմից միջազգային իրավունքի դեմ ուղղված անօրինական գործողության կապակցությամբ։ Նշվել է նաև, որ Իրանն իրեն իրավունք է վերապահում դիմել համապատասխան քայլերի։
