Համիդ Նուրի. Արևմուտքը պարզապես բռնազավթել է «մարդու իրավունքներ» բառակապակցությունը/Շվեդիայի խաբեբայական դիմակը

Իրանի քաղաքացի Համիդ Նուրին, ով անօրինական և անմարդկային կերպով ձերբակալվել է Շվեդիայի կառավարության կողմից, ասում է, որ մարդու իրավունքների մասին Արևմուտքի պնդումները կեղծ են։

Իրանի քաղաքացի Համիդ Նուրին իր որդեգրած դստեր ընտանեկան վեճերը լուծելու նպատակով 2019 թվականի նոյեմբերի 9-ին Շվեդիա ժամանելուն պես ձերբակալվել է այդ երկրի  անվտանգության ուժերի կողմից։ Շվեդիայի դատարանը  հիմնվելով Մոնաֆեղին ահաբեկչական խմբավորման մեղադրանքների վրա,  2022 թվականի հուլիսի 14-ին Նուրիին դատապարտեց ցմահ ազատազրկման  և վերջապես Նուրին վերադարձավ Իրան 2024 թվականի հունիսի կեսերին՝ 1680 օր ազատազրկումից հետո։

Ըստ Parstoday-ի հաղորդման, Համիդ Նուրին ասել է.-  «Արևմուտքի պնդումները մարդու իրավունքների պաշտպանության մասին զավեշտալի են, քանի որ արևմուտքցիները բռնազավթել և ծաղր ու ծանակի են ենթարկել  «մարդու իրավունքներ» բառակապակցությունը»։

Նա հավելել է.- «Այսպես կոչված մարդու իրավունքների ջատագովները ձերբակալեցին ինձ, ով սովորական քաղաքացի էի և ճամփորդության էի գնացել, և ավելի քան 1600 օր  բանտարկեցին ինձ մենախցում»։

Շվեդիայի բանտից ազատված Իրանի քաղաքացին պատմել է, որ այս ընթացքում մեկուսարանում ենթարկվել է ամեն տեսակի ֆիզիկական ու հոգեբանական խոշտանգումների։

Նուրին նշել է. «Իմ դեմ իրականացված գործողությունները ամերիկյան, արևմտյան և շվեդական մարդու իրավունքների օրինակ են»։