Իրանի ԱԳՆ խոսնակ. Ժամանակի ընթացքը ձեռնտու չէ Սիոնիստական ռեժիմին և նրա կողմնակիցներին
Իրանի Իսլամական Հանրապետության արտաքին գործերի նախարարության խոսնակն ասել է.- Չնայած իսրայելական ռեժիմի կողմնակիցների, այդ թվում ԱՄՆ-ի համապարփակ աջակցությանը, այս ռեժիմը նույնիսկ Դիմադրության սահմանափակ գործողության վերաբերյալ կորցրել է հարձակման ժամանակն ու վայրը կանխատեսելու և կանխարգելիչ ուժի կարողությունը։
ԻՌՆԱ-ի հաղորդմամբ, վիրտուալ տարածքում իր անձնական էջում, անդրադառնալով ՀԱՄԱՍ շարժման շնորհավորանքի և գովասանքի ուղերձին՝ Սիոնիստական ռեժիմի խորքում մի քանի կենսական և ռազմավարական թիրախների դեմ Լիբանանի Հեզբոլլահի պատասխան գործողությանը, Իրանի արտաքին գործերի նախարարության խոսնակ Նասեր Քանանի Չաֆին գրել է.- Հեզբոլլահի վճռական պատասխանն ապացուցեց, որ հակառակորդի հանցագործություններն անպատասխան չեն մնում։
Քանանին հավելել է. -Պաղեստինի իսլամական Ջիհադ շարժումը և Եմենի Անսարուլլահը, շնորհավորելով օկուպացված տարածքների խորքում Հեզբոլլահի իրականացրած գործողությունների կապակցությամբ, նշել են, որ Հոդեյդա քաղաքում Սիոնիստական ռեժիմի ագրեսիայի դեմ Եմենի զինված ուժերի պատասխանը նույնպես ճանապարհին է։
Նշելով, որ Սիոնիստական ռեժիմը կարող է թաքցնել, խեղաթյուրել կամ գրաքննել որոշ փաստեր Արբայնի օրը Հեզբոլլահի իրականացրած գործողության վերաբերյալ, սակայն լավ գիտեն, որ առկա փաստերը չեն փոխվի, Իրանի դիվանագիտական ապարատի խոսնակը գրել է. -Ռազմավարական հավասարակշռությունները հիմնարար փոփոխություններ են կրել՝ ի վնաս Սիոնիստական կեղծ ռեժիմի, իսկ այս ռեժիմի բանակի անպարտելիության միֆը վաղուց դարձել է դատարկ կարգախոս։
Իրանի Իսլամական Հանրապետության արտաքին գործերի նախարարության խոսնակը նաև վերջում ընդգծեց, որ օկուպացիոն ռեժիմը, որը միշտ ձգտել է ընդլայնել իր տարածքը այժմ պետք է ինքնապաշտպանության դիմի օկուպացված տարածքներում, և ժամանակի ընթացքը ձեռնտու չէ. Սիոնիստական ռեժիմի և նրա կողմնակիցների համար։
