Մեկնաբանություն - Իրանի փոխադարձ պատասխանը Սիոնիստական ռեժիմին համապատասխանում էր միջազգային օրենքներին
Իրանի Իսլամական Հանրապետության զինված ուժերը «Ազնիվ Խոստում-2» գործողության ժամանակ, ցուցադրելով Սիոնիստական ռեժիմին պատժելու իրենց ռազմավարական հնարավորությունները, կատարեցին միանգամայն արժանապատիվ գործողություն՝ հիմնված միջազգային օրենքների վրա։
Իրանի Իսլամական Հանրապետության զինված ուժերը երկրի ինքնիշխանությաունը խախտելու, ինչպես նաև նահատակներ Իսմայիլ Հանիեին, Սեյեդ Հասան Նասրալլահին, գեներալ-մայոր Սեյեդ Աբբաս Նիլֆորուշանին սպանելու և Պաղեստինում ու Լիբանանում անմեղ կանանց և երեխաներին կոտորելու Սիոնիստական ռեժիմի հանցավոր գործողությունների նկատմամբ որոշակի ժամանակ զսպվածություն ցուցաբերելուց հետո, ՄԱԿ-ի կանոնադրության համաձայն երկրի օրինական պաշտպանվելու իրավունքով, հոկտեմբերի 1-ին «Ազնիվ Խոստում 2» գործողության ընթացքում հարյուրավոր բալիստիկ հրթիռներով թիրախավորեցին Սիոնիստական ռեժիմի անվտանգային, լրտեսության և ռազմական կենտրոնները։
«Յա Ռասուլալլահ» օրհնյալ ծածկագրով «Ազնիվ Խոստում 2» գործողության ընթացքում Իրանի Իսլամական հեղափոխության պահապանների կորպուսի հրթիռները հարվածել են Սիոնիստական ռեժիմի անվտանգության և հետախուզական թիրախներին, և կրակոցների 90%-ը հաջողությամբ խոցել են թիրախները, և Սիոնիստական ռեժիմը խուճապի է մատնվել Իրանի Իսլամական Հանրապետության հետախուզական և օպերատիվ գերակայությունից։ Այս օպերացիան իրականացվել է Իրանի Իսլամական Հանրապետության Ազգային անվտանգության բարձրագույն խորհրդի հավանությամբ, զինված ուժերի գլխավոր շտաբի ծանուցմամբ, բանակի և Պաշտպանության նախարարության աջակցությամբ։
Իրանի Իսլամական Հանրապետության իշխանությունները «Ազնիվ Խոստում 2» գործողությունից հետո ընդգծել են, որ այս գործողությունը պատասխան է տարածաշրջանում Սիոնիստական ռեժիմի կրկնվող չարագործություններին, և սիոնիստների կողմից ճգնաժամերի ստեղծման շարունակման դեպքում Իրանը միշտ պատրաստ է քայլեր ձեռնարկել, և ցանկացած պահի Իրանի զինված ուժերը փոխադարձ պատասխան կտան Սիոնիստական ռեժիմի վարքագծին համապատասխան։
«Ազնիվ Խոստում 2» գործողությունը ցույց է տալիս Իրանի ռազմական կարողությունը տարածաշրջանում կայունություն հաստատելու և սիոնիստների մշտական ճգնաժամ առաջացնող և Արևմուտքի ռազմական ու ֆինանսական լիարժեք աջակցությունը վայելող մաքսիմալիստական նկրտումներին դիմակայելու համար։ Այս գործողությունն իրականացվել է միջազգային օրենքների և ՄԱԿ-ի կանոնադրության 51-րդ հոդվածի հիման վրա, որը յուրաքանչյուր երկրին իրավունք է տալիս պաշտպանվելու ագրեսորներից։
Սիոնիստական ռեժիմին պատասխանելու Իրանի փաստարկի հիմնական հարցը եղել է ՄԱԿ-ի կանոնադրության 51-րդ հոդվածի վկայակոչումը, որը թույլ է տալիս բոլոր երկրներին հակադարձել և պատժել ագրեսորին՝ արտաքին հարձակումների ու սպառնալիքների դեմ իրենց տարածքային ամբողջականությունը և ինքնիշխանությունը օրինականորեն պաշտպանելու իրավունքի շրջանակներում։ Ռազմական կամ ահաբեկչական հարձակումներից երկրի պաշտպանությունը ճանաչվում է որպես միջազգային օրենքների ու իրավունքի շրջանակի կարևոր մաս:
Իրանի Իսլամական հեղափոխության գերագույն առաջնորդ Այաթոլլահ Խամենեին ուրբաթ օրը (հոկտեմբերի 4-ին) Թեհրանի կրոնաքաղաքական ուրբաթօրյա աղոթքի ժամանակ մարդկանց հսկայական ու փառահեղ հավաքում մուսուլմանների միասնությունն ու համերաշխությունն համարեց աստվածային ողորմությունն ու արժանապատվությունը վայելելու և թշնամիների նկատմամբ հաղթանակի հիմք, և ընդգծեց, որ Իսլամական պաշտպանական վճիռների, Իրանի Իսլամական Հանրապետության Սահմանադրության և միջազգային օրենքների Համաձայն, Իրանի զինված ուժերի փայլուն գործը սիոնիստական արնախում ռեժիմին պատժելու հարցում, լիովին լեգիտիմ և օրինական էր, և այս հարցում Իսլամական Հանրապետությունը որևէ պարտականություն զգալու դեպքում, առանց հապաղելու կամ շտապելու, կգործի վճռականորեն, ամուր և հուժկու կերպով։
«Ազնիվ Խոստում 2» գործողությունը տարածաշրջանում կայունության և անվտանգության պահպանման Իրանի Իսլամական Հանրապետության ռազմավարությունն է, որը ճգնաժամային իրավիճակի է հասել Սիոնիստական ռեժիմի և նրանց արևմտյան աջակիցների լարվածություն առաջացնող գործողություններով։ Իրավազրկվածներին պաշտպանելը և ներքին հնարավորություններին ապավինելը նույնպես այս գործողության կարևոր ուղերձն էր տարածաշրջանի և Իրանի բարեկամ երկրների համար։
