6 ամսում 9500 տոննա իրանական կտորեղեն է արտահանվել
Հոկտեմբեր 06, 2024 17:06 Asia/Tehran
Իրանի Իսլամական Հանրապետության մաքսատունը հայտարարել է վերջին 6 ամսում 9 հազար 500 տոննա կտորեղեն արտահանելու մասին։
Վերջին 6 ամսում Իրանի տեքստիլի արտահանման ծավալը կազմել է 9500 տոննա՝ 23 միլիոն 500 հազար դոլար արժողությամբ, ինչը նախորդ տարվա նույն ժամանակահատվածի համեմատ կշռով 8%, արժեքային առումով՝ 7% աճ է գրանցել։
Ըստ Parstoday-ի հաղորդման, նշված ժամանակահատվածում Իրանի կողմից արտահանված կտորեղենի մեծ մասն արտահավել է Արևմտյան Ասիայի տարածաշրջանի երկրներ, կազմելով այդ ապրանքների քաշի ավելի քան 33%-ը և արժեքի 42%-ը։
Իրանի հյուսիսային և արևելյան հարևան երկրները զբաղեցրել են երկրորդ և երրորդ տեղերը՝ իրանական կտորեղենի արտահանման ընդհանուր արժեքի 20 և 12 տոկոսն իրենց հատկացնելով։