Արաղչի. Իրանը և Սաուդյան Արաբիան կարող են անվտանգություն և կայունություն ապահովել տարածաշրջանում
ԻԻՀ ԱԳ նախարարը հայտարարել է, որ քաղաքական ավելի բարձր կամքի շնորհիվ, Իրանը և Սաուդյան Արաբիան կարող են տարածաշրջանում անվտանգություն և կայունություն հաստատել։
Հինգշաբթի օրն X-ում արած գրառման մեջ Աբբաս Արաղչին գրել է․ «Աշխարհագրության շնորհիվ Իրանին ու Սաուդյան Արաբիան հարևաններ են, իսկ հավատքի շնորհիվ՝ բարեկամներ ու եղբայրներ»։
Նա նաև կոչ է արել բոլոր մուսուլման ժողովուրդներին, հատկապես՝ Պաղեստինի և Լիբանանի ճնշված, բայց հերոսական ժողովրդուրդներին, պահպանել իրենց պատիվն ու հպարտությունը:
Տարածաշրջանային զարգացումների շուրջ դիվանագիտական խորհրդակցությունների շրջանակում, Իրանի ԱԳ նախարարը չորեքշաբթի օրը մեկնել է Սաուդյան Արաբիա, որտեղ հանդիպել է այդ երկրի թագաժառանգ՝ Մուհամմեդ բեն Սալմանի, նախարարների խորհրդի նախագահի և ԱԳ նախարար Ֆեյսալ բին Ֆարհանի հետ։
Արաղչին նշել է, որ Սաուդյան Արաբիայի իշխանությունների հետ անցկացվել են օգտակար և կառուցողական խորհրդակցություններ՝ ուղղված երկկողմ հարաբերությունների զարգացմանը և տարածաշրջանի վերջին զարգացումներին։
Իրանի դիվանագիտական ծառայության ղեկավարը հայտարարել է, որ Սաուդյան Արաբիայի իշխանությունների հետ հանդիպմանը ընդգծվել է նաև Սիոնիստական ռեժիմի ռազմական հանցագործությունները, այդ թվում՝ Գազայի ցեղասպանությունը և Լիբանանի դեմ ռազմական ագրեսիան անհապաղ դադարեցնելու և պաղեստինցիներին օգնության տրամադրման հարցում համագործակցության անհրաժեշտությունը։
