Իրանցի մարզուհիները նվաճել են Ասիայի թիավարության մրցությունների արծաթե մեդալը

Իրանի թիավարության կանանց չորս հոգանոց թիմը նվաճել է Ասիայի թիավարության առաջնության արծաթե մեդալը։

Հոկտեմբերի 10-ին Ուզբեկստանի Սամարղանդ քաղաքում  մեկնարկել է թիավարության Ասիայի առաջնությունը, որին մասնակցում է նաև Իրանի թիավարության ազգային հավաքականը։

Pars Today-ի փոխանցմամբ՝ Իրանի թիմը, որի անդամներն են Մահսա Ջավարին, Զեյնաբ Նոռուզին, Ֆաթեմեհ Մաջալալը և Քիմիա Զարհը, եզրափակչում մրցել է չինական Թայբեյի, Ուզբեկստանի, Վիետնամի, Չինաստանի և Ղազախստանի թիմերի հետ և գրանցելով  6:56.550 րոպե ժամանակ, զբաղեցրել մրցաշարի  երկրորդ տեղը։ 

Առաջին տեղը զբաղեցրել է Չինաստանի հավաքականը,  երրորդը՝ Վիետնամի։