Իրան. Մենք օգտագործում ենք մեր բոլոր հնարավորությունները Իսրայելին նախատելու համար
Լիբանանում Իրանի ռազմական խորհրդական, բրիգադային գեներալ Աբբաս Նիլֆրոշանի նահատակության կապակցությամբ, ով սեպտեմբերի 27-ի երեկոյան զոհվել է Լիբանանի Հեզբոլլահի հանգուցյալ գլխավոր քարտուղար նահատակ Սեյեդ Հասան Նասրալլահի հետ միասին ահաբեկչական ավիահարվածի հետևանքով, Իրանի Իսլամական Հանրապետության արտաքին գործերի նախարարությունը հայտարարություն է տարածել․
Իրանի արտաքին գործերի նախարարության հայտարարության մեջ ասվում է. «Իրանի բարձրաստիճան այս պաշտոնյայի սպանությունն անօրինական արարք է և աններելի հանցագործություն, և Իրանի Իսլամական Հանրապետությունը, անկասկած, կօգտագործի իր բոլոր հնարավորությունները՝ նախատելու և պատասխանատվության ենթարկելու Սիոնիստական ռեժիմին այս հանցագործության համար»:
Այս հայտարարության շարունակության մեջ ասվում է. «Սիոնիստական ռեժիմի ոճրագործության ողջ պատմությունը իր ստեղծման օրվանից մինչ օրս ցույց է տալիս, որ այս ռեժիմի ագրեսիաների և հանցագործությունների նկատմամբ հանդուրժողականությունը հանգեցնում է նրա առավել հանդգնությանը և ավելի շատ հանցագործություններ կատարելուն»:
Բեյրութի Դահիա շրջանում սիոնիստների ահաբեկչության ժամանակ զոհված նահատակ Նիլֆրոշանի մարմինը հայտնաբերվել է շաբաթ երեկոյան։