Յահյա Սինվարի արյունը ծիլեր կարձակի․ Իրանցի օգտատերերի գրառումները Յահյա Սինվարի նահատակության մասին

Pars Today- X սոցցանցի օգտատերերը կիբերտարածությունում գրառումներ հրապարակելով, արձագանքել են Պաղեստինի դիմադրության շարժման՝ «ՀԱՄԱՍ»-ի քաղբյուրոյի ղեկավար Յահյա Սինվարի նահատակությանը։

Գազայում սիոնիստ զինվորների կողմից «Յահյա Սինվարի» նահատակությունն ու դրա տեսանյութի հրապարակումը բազմաթիվ արձագանքներ է առաջացրել սոցիալական ցանցերում։ Ըստ Parstoday-ի՝ այս մասին տարբեր հաղորդագրություններ են հրապարակել նաեւ իրանցի օգտատերերը, որոնցից մի քանիսը ներկայացնում ենք ստորև։

Պաղեստինը նորից կծաղկի

X սոցիալական ցանցի ակտիվիստ «Յեքթա Մորադը» Սինվարի արյունն անվանել է Պաղեստինի վերստին ծաղկելու աղբյուր և գրել․

«Յահյա Սինվարի արյունը ծիլեր կարձակի, և պայքարի դրոշը չի ընկնի պաղեստինցիների ձեռքից։ Այս հողը նորից կծաղկի։ Պաղեստինը ծաղկելու, շարժման և դիմադրության երկիր է»:

Ողջույն Իսրայելի վախճանին

«Ահմադ Ռեզա» անունով մեկ այլ օգտատեր, դիմելով Իսրայելի վարչապետ Բենիամին Նեթանյահուին, ընդգծել է, որ եկել է այս ռեժիմը ոչնչացնելու ժամանակը։ Նա գրել է.

«Հիմա դուք կարծում եք, որ Իսրայելի  սատանայական ահաբեկչական ռեժիմը փրկվե՞լ է կործանումից,  պետք է  ողջունել Իսրայելի վախճանը, մենք բոլորս Սինվար ու Նասրալլահ ենք»։

Հայրենիքի հանդեպ սերը գովելի է

X սոցիալական ցանցի մեկ այլ  ակտիվիստի անունն է «Իրանի ձայնը», ով բարձր  գնահատելով նահատակ Յահյա Սինվարի հավատարմությունը իր հայրենիքի՝ Պաղեստինի նկատմամբ,  հստակեցրել է.

«Նահատակ Յահյա ալ-Սինվարը ոչ Իսրայելից էր վախենում, ոչ մահից, նա հավատաց այս սկզբունքին և մնաց իր երկրում մինչև վերջին պահը և նահատակվեց, որպեսզի ամբողջ աշխարհն իմանա, որ հայրենիքի հանդեպ սերը ամեն ինչից վեր է:  Յահյա ալ-Սինվարը տվեց իր կյանքը հանուն հայրենիքի»։

Սինվարը հավերժացավ

X սոցցանցի իրանցի օգտատեր «Օբեյդը» նույնպես կարծում է, որ Սինվարի անունը հավերժ կմնա աշխարհի մարդկանց հիշողության մեջ։ Նա գրել է.

«Նա դարձավ նախանձախնդրության  և դիմադրության խորհրդանիշ և օրինակ՝ ազատատենչների համար: Քանի դեռ կա աշխարհը կհիշվի Սինվարի անունը»:

«Սինվարը» սիոնիստների պատուհասն է

Արևմտյան Ասիայի հարցերով իրանցի վերլուծաբան Ղեյս Ղորեյշին նույնպես Սինվարի ֆիլմն ու նկարները որակել է որպես պատուհաս սիոնիստների համար և գրել.

«Ֆիլմերը և պատկերները Յահյա Սինվարի նահատակությունից առաջ և հետո, կդառնան պատուհաս Իսրայելի համար։ Պաղեստինցի երեխաներն ու դեռահասները գործնականում նրան կհամարեն իրենց օրինակը»:

Սիոնիստների դեմ  մերկ ձեռքերով Սինվարի կռիվը տոկունություն էր

«Հանի Բորղին», ով իրանցի երիտասարդներից է և Իրաքի բռնապետ «Սադամի» դեմ պատերազմում Իրանում սրբազան պաշտպանության փորձ չունի, գրել է.

«Սրբազան պաշտպանության 8 տարիները չտեսած մեր սերնդի համար պատերազմի հուշերը  առասպելի պես միշտ անհասանելի են եղել։ Մերկ ձեռքերով կռվել մինչև ատամները զինված բանակի դեմ, պահպանել  հզորություն, չխոնարհվել և չվախենալ և այլն: Յահյա Սինվարի վերջին պահերի տեսանյութը մեզ պարզ ցույց տվեց նույն ոգին»: