Իրանի հյուրընկալությամբ անցկացվող «IONS 2024» ռազմածովային զորավարժությունների մեկնարկը

Սահաբ - Հնդկական օվկիանոսի ավազանի մի շարք երկրների ռազմածովային ուժերի ներկայությամբ անցկացվել են «(IONS) 2024» կոմբինացված ռազմածովային զորավարժությունները Իրանի Իսլամական Հանրապետության ռազմածովային ուժերի հյուրընկալությամբ:

IONS-ը «Indian Ocean Naval Symposium» արտահայտության հապավումն է և նշանակում է Հնդկական օվկիանոսի ռազմածովային սիմպոզիում, որը ներառում է Հնդկական օվկիանոսի որոշ ափամերձ երկրներ:

ԻՌՆԱ-ի հաղորդման համաձայն, «IONS 2024» կոմբինացված ռազմածովային զորավարժության խոսնակ, կոնտր-ծովակալ Մուստաֆա Թաջ Էդդինին շաբաթ օրը լրագրողների հետ հանդիպման ժամանակ ասաց, որ «խաղաղության, բարեկամության, կարեկցանքի և հավաքական մասնակցության» ուղերձով այս զորավարժությունները անցկացվում են Իրանի Իսլամական Հանրապետության ռազմական և իրավապահ ուժերի առանցքայնությամբ՝ Ռուսաստանի, Օմանի, Սաուդյան Արաբիայի, Հնդկաստանի, Թաիլանդի, Պակիստանի, Կատարի և Բանգլադեշի մասնակցությամբ՝ «Միասին հանուն անվտանգ և ապահով Հնդկական օվկիանոսի» կարգախոսի ներքո։

Կոնտր-ծովակալ Մուստաֆա Թաջ Էդդինին նաև հայտնեց մասնակից ստորաբաժանումների կողմից ծով մեկնելու ընթացքում մասնագիտացված վարժանքների պլանավորման մասին և ասաց, որ նշանակված տարածք հասնելուց հետո IONS կոմբինացված ռազմածովային զորավարժություններին մասնակցող նավերն ու ստորաբաժանումները իրականացնելու  են տարբեր սցենարներ, ինչպիսիք են հրդեհի  վերահսկումը, որոնողափրկարարական գործողություններ և նավթի արտահոսքի զսպման գործողություն։

Հնդկական օվկիանոսի ափամերձ երկրների ռազմածովային ուժերի զորավարժությունները կազմակերպվում են 2008 թվականից՝ Հնդկաստանի ռազմածովային ուժերի նախաձեռնությամբ՝ նպատակ ունենալով ընդլայնել ծովային համագործակցությունը՝ ոչ ավանդական և կազմակերպված անվտանգության մարտահրավերներին դիմակայելու համար։