Իրանական այս կատալիստները նավթի վերամշակման գործարանների թափոնները վերածում են բենզինի

Արտադրելով երկու տեսակի կատալիստներ, իրանական գիտելիքահենք ընկերությանը հաջողվել է նավթավերամշակման գործարաններում չօգտագործվող արտադրանքը վերածել արժեքավոր ապրանքների, ինչպիսիք են բենզինը, դիզելային վառելիքը և LPG-ն:

Վերամշակման գործարաններում էներգիայի վատնման կանխումը կարող է մեծացնել նավթաքիմիական ոլորտում արտադրությունը և այս ոլորտի արտադրանքի վաճառքից ստացած եկամուտը:

Ըստ Parstoday-ի, որը  մեջբերում է IRNA-ն, նանո-ի ոլորտում գործունեություն ծավալող իրանական գիտելիքահենք ընկերության հետազոտողներին հաջողվել է արտադրել երկու տեսակի՝ «FCC» և «RFCC» հեղուկ հիմքով կրեկինգ կատալիստներ, որոնք կիրառվում են Իրանի կենտրոնում Շազանդ և Իրանի հարավարևմուտքում Աբադանի նավթավերամշակման գործարաններում չօգտագործվող արտադրանքը՝ կրկին արժեքավոր ապրանքների վերածելու համար, ինչպիսիք են բենզինը, դիզվառելիքը և LPG-ն:

Իրանական գիտելիքահենք այս ընկերության հետազոտական ​​մենեջեր Հութան Գոլդուստն ասել է. «Մի քանի տարիների հետազոտությունից և զարգացումից հետո մենք կարողացանք ձեռք բերել այս կատալիստների արտադրության տեխնիկական գիտելիքները, և տեղայնացնելով, դրանք արտադրել՝ Իրանի կարիքներին համապատասխան»:

Գոլդուստը հավելեց. «Այս կատալիստները բեռնվել են Աբադանի և Արաքի Շազանդ նավթավերամշակման գործարաններում և այս պահին արտադրանք են տալիս։ Դրանք ի վիճակի են արտադրել և բավարարել Իրանի կարիքների 100%-ը»։

Այս իրանական գիտելիքահենք ընկերության տնօրենն ասաց. «Այս գործողությամբ և մեր ունեցած արտադրական հզորությամբ ամեն տարի Իրանում կտնտեսվի առնվազն 30-40 միլիոն դոլար»։