Իրավանի․Իսրայելի ռեժիմի վրա պետք է ճնշում գործադրել՝ դադարեցնելու իր ագրեսիվ քաղաքականությունը
Չորեքշաբթի օրը ՄԱԿ-ում Իրանի Իսլամական Հանրապետության դեսպան և մշտական ներկայացուցիչ Ամիր Սաիդ Իրավանին ասել է.-Միջազգային հանրությունը պետք է ճնշում գործադրի Իսրայելի ռեժիմի վրա՝ հարգելու միջազգային օրենքները և դադարեցնելու իր բռնազավթումն ու ագրեսիվ քաղաքականությունը, հակառակ դեպքում՝ ռեժիմը կշարունակի լուրջ վտանգ ներկայացնել համաշխարհային խաղաղության ու անվտանգության համար։
ՄԱԿ-ում Իրանի մշտական ներկայացուցիչը, Մերձավոր Արևելքում Պաղեստինի փախստականների օգնության և աշխատանքների գործակալության (UNRWA) զեկույցին նվիրված Գլխավոր ասամբլեայի նիստում ունեցած ելույթում ասել է․-Սիոնիստական ռեժիմի ցեղասպանությունը և Գազայի շարունակվող պաշարումը անմիջական վտանգի տակ են դրել հազարավոր խաղաղ բնակիչների, այդ թվում՝ կանանց և երեխաների: Այս գործողությունները մարդու իրավունքների կոպիտ խախտում են։
Իրավանին ընդգծել է. -Իրանի Իսլամական Հանրապետությունն ընդգծում է, որ Իսրայելի ռեժիմը պետք է անհապաղ կատարի միջազգային իրավունքով ստանձնած պարտավորությունները և թույլ տա մարդասիրական օգնությունն ազատորեն և շարունակաբար ուղարկել օկուպացված պաղեստինյան տարածքներ։ Միայն Իսրայելի ռեժիմի օկուպացիայի և ագրեսիվ քաղաքականության դադարեցմամբ կարելի է հասնել պաղեստինյան հարցի արդարացի լուծմանը։
Նա հավելել է․- Իրանի Իսլամական Հանրապետությունը նաև միջազգային հանրությանը կոչ է անում լուրջ միջոցներ ձեռնարկել Իսրայելի ռեժիմի գործողություններին պատասխանելու համար և ՄԱԿ-ի կանոնադրության և միջազգային օրենքի բացահայտ խախտման պատճառով կասեցնել ռեժիմի անդամակցությունը ՄԱԿ-ի Գլխավոր ասամբլեային։
Իրավանին հստակեցրել է․- Իսրայելի ռեժիմը, իրագործելով ցեղասպանություն, պատերազմական հանցագործություններ, մարդկության դեմ հանցագործություններ, անտեսելով Արդարադատության միջազգային դատարանի հրամանները և շարունակաբար ոտնահարելով Պաղեստինի ժողովրդի իրավունքները, համարվում է ուղղակի սպառնալիք միջազգային խաղաղության և անվտանգության համար և պետք է պատասխան տա իր գործողությունների համար: