Մեկնարկել է Իրանի Իսլամական Հանրապետության զինված ուժերի զորավարժությունը երկու ամիս տևողությամբ
Սահաբ - ԻԻՀ ԶՈւ զորավարժությունների բազայի հրամանատարն ասել է, որ կիրակի օրվանից, մինչև երկու ամիս Իրանի երկնքում, ցամաքում և ծովերում տեղի կունենան ԶՈւ զորավարժությունները:
Բրիգադային գեներալ Ալի Շադմանին ասել է, որ երկրի արևմուտքում և արևելքում Իրանի բանակի ցամաքային զորքերի հատուկ ստորաբաժանումները, Իրանի արևմուտքում, հարավ-արևմուտքում և հարավում գտնվող ԻՀՊԿ-ի ռազմացամաքային ուժերի հատուկ ստորաբաժանումները և տասնյակ հազարավոր աշխարհազորայիններ Իրանի նահանգային կորպուսների տեսքով կմասնակցեն հակաահաբեկչության զորավարժությանը:
Գեներալ Շադմանիի խոսքով՝ բանակի օդուժը և հակաօդային պաշտպանության ուժերը ԻՀՊԿ-ի օդուժի հետ համատեղ կիրականացնեն Իրանի կարևոր կենտրոնների հակաօդային պաշտպանությունը՝ օգտագործելով ժամանակակից սարքավորումներն ու համակարգերը համատեղ բազայում, իսկ ծովում՝ Հնդկական օվկիանոսի Հյուսիսային բաժնում և Օման ծովում բանակի նավատորմը, իսկ Պարսից ծոցում ԻՀՊԿ-ի ռազմածովային ուժերը կանցկացնեն այս զորավարժությունները՝ կենտրոնանալով եռյակ կղզիների և Հորմոզի նեղուցի վրա: