Իմամ Խամենեիի անդրադարձը՝ թշնամիների երևակայություններին․ Ապագան ցույց կտա, թե ով է թուլացել

Սահաբ - Իրանցի հարյուրավոր ձեռնարկատերերի, ներդրողների և տնտեսական ակտիվիստների հետ հանդիպման ժամանակ Իսլամական հեղափոխության առաջնորդը երկրի թուլացումը որակել է որպես թշնամիների պատրանքն ու երևակայությունը:

Ինչպես հաղորդում է Sahab-ը, վկայակոչելով Գերագույն առաջնորդի գրասենյակի տեղեկատվական կայքը, այս հանդիպման ժամանակ Իմամ Խամենեին անդրադառնալով Իրանի թուլացման կապակցությամբ  պատրանքների և երևակայությունների վրա հիմնված հայտարարություններին ասել է,- Ապագան ցույց կտա, թե ով է թուլացել, ինչպես որ Սադամն Իրանի թուլացման հույսով  հարձակվեց Իրանի վրա և Ռեյգանն էլ նույն երևակայությամբ սկսեց օգնել նրան,բայց վերջում այդ երկուսը և տասնյակ այլ երևակայողներ, բոլորը դժոխքի բաժին դարձան, իսկ Իրանի Իսլամական Հանրապետությունն օրեցօր աճեց, ինչը Աստծո կամքով  կարող է կրկնվել:

Կարևորելով BRICS-ի նման կառույցներին ներկայությունը և անդրադառնալով Իրանի դիվանագիտական պաշտոնյաների գործունեության անհրաժեշտությանը, այս մեծ հնարավորությունից առավելագույնս օգտվելու համար, հեղափոխության մեծարգո առաջնորդը հավելել է,- BRICS-ի  ֆինանսական համակարգը, որը հնարավորություն է տալիս ֆինանսական փոխանակում կատարել անդամ երկրների արժույթներով, կարևոր պոտենցիալ է:

Մեծարգո առաջնորդն անհրաժեշտ համարելով առևտրային գործարքներում դոլարից  հնարավորինս հրաժարվելը, ասել է,- Դոլարից հրաժարվելը,որին ձգտում է նաև Իրանի Իսլամական Հանրապետության նախագահը, մեծ և կարևոր, ինչու չէ նաև  շատ վճռական քայլ է տնտեսական ոլորտում, և  Իրանի կենտրոնական բանկը պետք է հարթակ տրամադրի այլ արժույթներին։ Իհարկե, դա կունենա որոշակի հետևանքներ, բայց ավելի կուժեղացնի երկիրը։

Իր ելույթի  այլ հատվածում հեղափոխության մեծարգո առաջնորդը  նշելով ,որ Գազայի հատվածում   հրադադարն ու հաղթանակը   կանխատեսման իրականացման և  Դիմադրության կենդանի մնալու և  գոյատևելու հստակ նշան է, ասել է. -Այն, ինչ կատարվում է աշխարհի աչքի առաջ, նմանում է մի առասպելի, ընդորում  Ամերիկայի նման հսկայական պատերազմական մեքենան, անտեսելով մարդկային հասկացությունները,բունկերային ռումբեր է տրամադրում դաժան ու արյունարբու Սիոնիստական ​​ռեժիմին, և այդ դաժան ու անողոք ռեժիմը ռմբակոծում է 15000 երեխայի իրենց տներում և հիվանդանոցներում, բայց նրանք չեն կարող իրականացնել իրենց նպատակները:

Ընդգծելով, որ եթե չլինեին Ամերիկայի հնարավորությունները, ապա Սիոնիստական ​​ռեժիմը ծնկի կիջներ հենց առաջին շաբաթներին, գերապատիվ առաջնորդը հավելել է.-Անցած մեկ տարվա ու մի քանի ամիսների ընթացքում Սիոնիստական ​​ռեժիմը որքան կարողացել է հանցագործություններ է կատարել՝ ռմբակոծելով տները, հիվանդանոցները, մզկիթները և եկեղեցիները Գազայի նման փոքր տարածքում, սակայն, ի վերջո, նա ոչ միայն չի կարողացել իրականացնել իր  դժբախտ և սևերես առաջնորդի սահմանած նպատակը, որն էր՝ ոչնչացնել ՀԱՄԱՍ-ին, և Գազան կառավարվեր  առանց Դիմադրության, այլև ստիպված եղավ նույն ՀԱՄԱՍ-ի հետ նստել բանակցությունների սեղանի շուրջ և ընդունել հրադադարի պայմանները:

Այաթոլլահ Խամենեին Գազայի միջադեպում Դիմադրության կենսունակությունն ու հաղթանակն անվանել է դիմադրության դեպքում հաղթանակի աստվածային ավանդույթի կատարման վկայություն և ասել է,- «Ուր էլ որ դիմադրություն լինի Աստծո բարի ծառաների կողմից, հաղթանակը հաստատ է»։

Անդրադառնալով  նաև  նախօրեին (երեքշաբթի) «Առաջընթացի առաջատարներ» խորագրով  ցուցահանդես կատարած այցին, հեղափոխության առաջնորդը  հավելել է. -«Այս ցուցահանդեսը ցույց է տալիս Իրանի իրողությունների մի փոքր մասը, բայց միևնույն ժամանակ բացահայտում է, որ մասնավոր հատվածը, չնայած ճնշումներին, պատժամիջոցներին և սպառնալիքներին, հասել է առաջընթացի ընդունելի մակարդակի, և երկիրը դեպի առաջ է շարժվում»։