Գանդիի անվան խաղաղության միջազգային մրցանակը շնորհվել է  Իրանին

Սահաբ - Մահաթմա Գանդիի անվան խաղաղության միջազգային մրցանակը շնորհվել է Իրանի Իսլամական Հանրապետությանը՝ խաղաղությանն ուղղված  նրա ջանքերի և Պաղեստինի ժողովրդի կողքին կանգնելու համար:

Ինչպես հաղորդում է Sahab ցանցը, վկայակոչելով Իրանի ռադիոհեռուստատեսության լրատվական գործակալությունը,  Խաղաղության և մրցանակաբաշխության միջազգային համաժողովում, որն անցկացվել է Հնդկաստանի մայրաքաղաք Նյու Դելիում՝ Արևմտյան Ասիայի և Աֆրիկայի մի շարք երկրների դեսպանների և դիվանագետների մասնակցությամբ, բարձր են գնահատվել տարածաշրջանի մի շարք երկրների, ինչպես նաև կրոնական և մշակութային գործիչների ջանքերը արևմտյան Ասիայում խաղաղություն և անվտանգություն հաստատելու ուղղությամբ։

Միջոցառման կազմակերպիչները Մահաթմա Գանդիի անվան խաղաղության միջազգային մրցանակին արժանի են ճանաչել Իրանի Իսլամական Հանրապետությունը, Հարավաֆրիկյան Հանրապետությունը, Իրաքը և Կատարը:

Նելսոն Մանդելայի անվան խաղաղության մրցանակը շնորհվել է մշակութային և հասարակական աշխատասեր գործիչներին, ովքեր մեծ ջանքեր են գործադրել տարածաշրջանում խաղաղություն և անվտանգություն հաստատելու համար։

Միջոցառման բանախոսները դատապարտեցին միջազգային կազմակերպությունների հապաղումն ու անուշադրությունը պաղեստինցիների ցեղասպանությունն ու կոտորածը կանխելու հարցում։