Իրանի հարավ-արևմտյան շրջանում մեկնարկել է բանակի ՀՕՊ զորավարժությունների երկրորդ փուլը
Իրանի հարավ-արևմուտքում մեկնարկել է Իրանի Իսլամական Հանրապետության բանակի «Էղթեդար (hզորություն)» զորավարժությունների երկրորդ փուլը,որի առանցքում են հակաօդային պաշտպանության ուժերը։
Իրանի Իսլամական Հանրապետության բանակի ռազմացամաքային ուժերի երկփուլ զորավարժություններում, բանակային ավիացիայի կորպուսի ուղղաթիռների պատրաստականության գնահատումից բացի, գնահատվել են նաև ԻԻՀ բանակի ռազմաօդային ուժերի 55-րդ օդադեսանտային բրիգադի պարաշյուտային և օդային բեռնաթափման , ինչպես նաև այս ուժերի փոքր ինքնաթիռների հարձակողական ու պաշտպանական գործողությունները։
Ինչպես հաղորդում է Pars Today-ը՝ վկայակոչելով Իրանի ռադիոհեռուստատեսության լրատվական ծառայությունը, Իրանի Իսլամական Հանրապետության բանակի «Էղթեդար» զորավարժությունների երկրորդ փուլն ՀՕՊ միասնական ցանցի առաջնորդությամբ, տեղի է ունենում երկրի հարավ-արևմտյան և կենտրոնական շրջաններում՝ հայտնաբերելու, բացահայտելու, որսալու և ոչնչացնելու թշնամու թիրախները:
Զորավարժությունների այս փուլում բանակի հակաօդային պաշտպանության ուժերը կօգտագործեն տեղական ռադիոտեղորոշիչ սարքավորումներ և ընդլայնված հսկողության ցանց զորավարժությունների ընդհանուր տարածքում՝ հարձակվող թիրախները հայտնաբերելու համար։
Այս զորավարժությունների ընթացքում հրամանատարության և կառավարման կենտրոններն օգտագործելով առաջադեմ և տեղական ակտիվ ու պասիվ ռադիոտեղորոշիչ համակարգեր, ինչպես նաև ազդանշանային և էլեկտրաօպտիկական մոնիտորինգ, զորավարժությունների տարածքում վերհսկողության գործողություններ են իրականացնում և հենց որ հարմար թիրախ է հայտնաբերվում՝ օգտագործելով հրամանատարության և վերահսկման խելացի համակարգեր, օպերատիվ ուղեծիր են բերում թշնամական թիրախներին համապատասխան պաշտպանական համակարգը դրանց դիմակայելու համար։