Ընդլայնվում է Իրանի և Հայաստանի միջև առևտրային համագործակցությունը

Pars Today - Իրանի Առևտրի զարգացման կազմակերպության գլխավոր տնօրենը Հայաստանի էկոնոմիկայի փոխնախարարի հետ հանդիպման ժամանակ ընդգծել է երկու երկրների միջև առևտրային համագործակցության զարգացման անհրաժեշտությունը։

Ինչպես հաղորդում է Pars Today-ը՝ հղում անելով IRNA-ին, Իրանի Առևտրի զարգացման կազմակերպության գլխավոր տնօրեն Մոհամմադ Ալի Դեհղան Դեհնավին Թեհրանում հանդիպել է Հայաստանի էկոնոմիկայի փոխնախարար Էդգար Զաքարյանի և Իրանում Հայաստանի դեսպան Գրիգոր Հակոբյանի հետ և անդրադառնալով երկու երկրների միջև բարեկամության խորը կապերին՝ ասել է. «Մենք շահագրգռված ենք Իրանի Իսլամական Հանրապետության և Հայաստանի Հանրապետության միջև առևտրային համագործակցության զարգացմամբ»։

Դեհղան Դեհնավին, նշելով, որ Իրանի և Հայաստանի միջև առևտրի նպատակային մակարդակը երեք միլիարդ դոլար է, բայց մենք դեռ հեռու ենք դրանից և փորձում ենք հասնել այս նպատակին, հավելեց․ «Առևտրային պատվիրակություններ ուղարկելը և երկու երկրների միջև առևտրային միջոցառումներում փոխգործակցությունը շատ կարևոր է, իսկ Իրանում և Հայաստանում առևտրային ցուցահանդեսներին և միջոցառումներին գործարարների, առևտրականների և տնտեսական ակտիվիստների ներկայությունն ու մասնակցությունը ճանապարհ կհարթի առևտրի աճի համար»։

Իրանի Առևտրի զարգացման կազմակերպության գլխավոր տնօրենը նաև ցանկություն է հայտնել ընդլայնել առևտրային հարաբերությունները Եվրասիական միության անդամ երկրների հետ և ընդգծել է հայկական տնտեսական և առևտրային ընկերությունների ուժեղ ներկայությունը Եվրասիայի հետ միջազգային առևտրի ցուցահանդեսում։

Այս հանդիպմանը Հայաստանի էկոնոմիկայի փոխնախարար Էդգար Զաքարյանը, անդրադառնալով Իրանի և Հայաստանի երկու ժողովուրդների բարեկամությանը և այն հանգամանքին, որ այդ հարցը կարող է արդյունավետ լինել երկու երկրների տնտեսական ծրագրերում՝ ասել է. «Հայաստանը պատրաստ է համագործակցել Իրանի հետ տարբեր ոլորտներում՝ փոխադարձ առևտրային հարաբերությունները զարգացնելու համար»։

Վերջում Հայաստանի էկոնոմիկայի փոխնախարարը, նշելով, որ Իրանի և Հայաստանի միջև կա մեծ ներուժ և այդ ներուժի կիրառմամբ կարելի է հասնել առևտրային նպատակներին, պատրաստակամություն է հայտնել մասնագիտացված աշխատանքային խմբերում հետամուտ լինել Իրանի և Հայաստանի միջև առևտրատնտեսական խնդիրներին։