Իրանը և Ճապոնիան կհամագործակցեն տեխնոլոգիաների և արհեստական ինտելեկտի ոլորտում

Տոկիոյում կայացած հանդիպման ժամանակ Իրանի և Ճապոնիայի կապի փոխնախարարներն ընդգծել են արհեստական ինտելեկտի, թվային տնտեսության և կապի կայուն ենթակառուցվածքների զարգացման ոլորտում համագործակցության անհրաժեշտությունը։

Իրանի կապի փոխնախարար Էհսան Չիթսազը ներկայացրել է երկրի ռազմավարական ծրագրերը արհեստական ինտելեկտի, կապի ենթակառուցվածքի, ստարտափների և տվյալների կառավարման ոլորտներում։ Նա նշել է, որ Ճապոնիայի հետ համագործակցությունն այս նպատակներն առաջ մղելու հնարավորություն է:
Ճապոնիայի կապի նախարարության միջազգային հարցերով փոխնախարար Տակու Իմագավան ողջունել է Իրանի առաջարկները և հայտարարել թվային համագործակցության նոր գլուխ սկսելու Ճապոնիայի լիակատար պատրաստակամության մասին: Նա նշել է, որ թվային փոխակերպման նկատմամբ Իրանի երկարաժամկետ մոտեցումը գովելի է, և Ճապոնիան պատրաստ է այդ համագործակցությանը և Իրանի կառուցողական առաջարկները ուսումնասիրելուն։
Կողմերը պայմանավորվել են ձևավորել համատեղ աշխատանքային խումբ՝ նշված նպատակներին հասնելու համար։