ԱՄՆ Սենատի դեմոկրատ փոքրամասնության առաջնորդ. Թրամփի նախագահությունը լիակատար աղետ է

ԱՄՆ Սենատի դեմոկրատ փոքրամասնության առաջնորդ Չակ Շումերը հայտարարել է, որ ԱՄՆ նախագահ Դոնալդ Թրամփն ամբողջությամբ կորցրել է ամերիկացիների վստահությունը՝ նրա նախագահությունն անվանելով «լիակատար աղետ»։

Հղում անելով IRNA-ին, Pars Today-ը հաղորդում է, որ Չակ Շումերը X-ում արած գրառման մեջ հղում անելով CNN-ի անցկացրած հարցմանը, նշել է, որ ամերիկացիների 72 տոկոսը դեմ է Իրանի դեմ Թրամփի վարած պատերազմին, 79 տոկոսը դժգոհ է բենզինի գների վերաբերյալ Թրամփի քաղաքականությունից, 73 տոկոսը կարծում է, որ նա սխալ առաջնահերթություններ ունի, իսկ 71 տոկոսը համոզված է, որ Թրամփը բավարար ջանքեր չի գործադրել ծախսերի կրճատման ուղղությամբ։

Ընդգծելով, որ Թրամփն ամբողջությամբ կորցրել է ամերիկացիների վստահությունը, Շումերը գրել է. «Երբ ամերիկացիների ճնշող մեծամասնությունն ասում է, որ դուք երկիրը տանում եք սխալ ուղղությամբ, ավելի լավ է փոխեք ձեր ուղին»։

Նա նաև նշել է, որ տարածաշրջանում տեղակայված ամերիկյան զորքերը ենթարկվում են Իրանի Իսլամական Հանրապետության հրթիռային և անօդաչու թռչող սարքերի հարձակումների՝ հավելելով. «Սուտ տարածելը և կորուստները թաքցնելը չեն կարող կանգնեցնել հրթիռների թռիչքը կամ ամերիկյան զորքերին հեռու պահել վտանգից»։

Շումերը կոչ է արել ամերիկյան զորքերը վերադարձնել ԱՄՆ, հավելելով. «Դադարեցրեք պատերազմը»։

Մեկ այլ գրառման մեջ նա նշել է, որ Թրամփը երկու տարի ծախսել է ամերիկացիների շահերին և ազգային շահերին դավաճանելու վրա, և որ ԱՄՆ քաղաքացիները նոյեմբերյան ընտրություններում կտան իրենց պատասխանը։