Քննարկվել են Իրանի և Հայաստանի միջև մաքսային համագործակցության ընդլայնման ուղիները
Իրանի էկոնոմիկայի նախարարի տեղակալ, մաքսային ծառայության գլխավոր վարչության պետ՝ Ֆորուդ Ասգարին և Հայաստանի Պետական եկամուտների կոմիտեի (ՊԵԿ) նախագահ` Էդվարդ Հակոբյանը չորեքշաբթի առավոտյան հանդիպել են Թեհրանում և քննարկել երկու երկրների միջև մաքսային համագործակցության զարգացման և տնտեսական հարաբերությունների ամրապնդման ուղիները։
Անդրադառնալով Հայաստանի աշխարհաքաղաքական դիրքին և Եվրասիական միությանը նրա անդամակցությանը, Ասգարին ընդգծել է այդ երկրի հետ առևտրային փոխանակումները ընդլայնելու անհրաժեշտությունը։ Նա տնտեսական համագործակցությունը խթանելու առաջին քայլ է համարել մաքսային կանաչ միջանցքի ստեղծումը և ապրանքների ցուցակների փոխանակումը։
ՀՀ Պետական եկամուտների կոմիտեի նախագահ՝ Էդվարդ Հակոբյանը գոհունակություն հայտնելով վերջին տարիներին երկու երկրների միջև առևտրի զգալի աճի կապակցությամբ, հույս է հայտնել, որ այս փոխանակումների ծավալը կհասնի մեկ միլիարդ դոլարի։