Լիբանանի «Հեզբոլլահ»-ի գլխավոր քարտուղար. Իմամ Խոմեյնիի գաղափարները Դիմադրության լույսն են

Լիբանանի «Հեզբոլլահի» գլխավոր քարտուղար շեյխ Նաիմ Ղասեմն ԻԻՀ հիմնադիր իմամ Ռուհոլլա Խոմեյնիի մահվան տարելիցի կապակցությամբ հայտարարության մեջ նշել է. «Իմամն ավտորիտար Իրանը վերածեց ճնշվածներին աջակցող Իսլամական Հանրապետության»:

Ղասեմի խոսքով՝ իմամ Խոմեյնին աստվածային և հեղափոխական արժեքներ է կյանքի կոչել հասարակության մեջ, և այդ սկզբունքները շարունակում են առաջնորդել տարածաշրջանի Դիմադրության շարժումը և ազատության ձգտման շարժումները։ Լիբանանի «Հեզբոլլահ»-ի գլխավոր քարտուղարը, ընդգծելով իմամի հակա-ճնշման և հակա-օկուպացիոն դիրքորոշումները, հավելել է. «Իսլամական Իրանը կանգնած է ճնշված ազգերի կողքին՝ կենտրոնանալով Պաղեստինի վրա»:

Էհուդ Օլմերտ. Իսրայելը կառավարվում է ամբոխի կողմից

CNN-ին տված հարցազրույցում Իսրայելի նախկին վարչապետ Էհուդ Օլմերտը Բենիամին Նեթանյահուի կաբինետը որակել է որպես «քաղաքական ավազակներ, որոնք ներքին փլուզում են առաջացրել Իսրայելում»։ Նա ասել է. «Նեթանյահուն, Իթամար Բեն-Գվիրը և Բեզալել Սմոտրիչը չեն ներկայացնում ամբողջ Իսրայելը, հատկապես նրանց, ովքեր շարունակում են սնուցել Ղազայի ժողովրդի հանցագործություններն ու սովը»։ 

Բրազիլիայի նախագահ․ Իսրայելը ցեղասպանություն է իրականացնում Գազայում

Բրազիլիայի նախագահ Լուիս Ինասիո դա Սիլվան ընդգծել է. «Գազայում տեղի ունեցողը պատերազմ չէ, այլ քաղաքացիական բնակչության նպատակային սպանություն պրոֆեսիոնալ բանակի կողմից»։ 
Նա ավելի վաղ Իսրայելի կառավարությանը անպատասխանատու էր անվանել Գազայում տեղի ունեցող սպանությունների համար։

Իսպանիան կողմ է Պաղեստինի պետության ստեղծմանը 

Իսպանիայի արտաքին գործերի նախարար Խոսե Ալվարեսն ասել է. «Մենք աջակցում ենք Պաղեստինի պետության ստեղծմանը՝ Արևելյան Երուսաղեմ մայրաքաղաքով»։ Նա կոչ է արել կասեցնել Իսրայելի հետ կնքված համաձայնագիրը՝ մարդու իրավունքների խախտումների պատճառով։ 

Ղալիբաֆ. Վենեսուելա մեկնելու նպատակն  արևմտյան դավադրությունները չեզոքացնելն է

Իսլամական Խորհրդակցական Ասամբլեայի նախագահ Մոհամմադ Բաքեր Ղալիբաֆը Կարակասում ասել է. «Իրանը և Վենեսուելան ռազմավարական գործընկերություն ունեն համաշխարհային ամբարտավանության դեմ պայքարում, և խորհրդարանական պատվիրակության ուղևորությունը հենց այս ուղղությամբ է»: