Երկուշաբթի օրը Կասպից ծովում կմեկնարկեն Իրանի և Ռուսաստանի համատեղ ռազմածովային զորավարժությունները

Երկուշաբթի օրը Կասպից ծովում կմեկնարկեն CASAREX2025 ծովային որոնողական-փրկարարական վարժանքները, որոնց կմասնակցեն Իրանի Իսլամական Հանրապետության և Ռուսաստանի Դաշնության ռազմածովային ուժերը։

Զորավարժությունները կհյուրընկալեն ԻԻՀ ռազմածովային ուժերը։ Դրանք կանցկացվեն «Միասին՝ հանուն անվտանգ և պաշտպանված Կասպից ծովի» կարգախոսով։ Համատեղ զորավարժություններին մասնակցում են Իրանի ռազմածովային ուժերի, ԻՀՊԿ, ԻԻՀ անվտանգության կազմակերպության սպայական և ՌԴ ռազմածովային ուժերի ստորաբաժանումները։
Զորավարժություններին դիտորդի կարգավիճակով ներկա կլինեն նաև Կասպից ծովի այլ ափամերձ երկրների ներկայացուցիչներ։ Զորավարժության հիմնական նպատակն է բարելավել ծովային որոնողական-փրկարարական գործողությունների պատրաստվածության և համակարգման մակարդակը, ամրապնդել Կասպից ծովի ջրերում անվտանգությունն ու պաշտպանվածությունը, ինչպես նաև զարգացնել տարածաշրջանի երկրների ռազմածովային ուժերի միջև փոխգործակցությունը։