Եմենական ԱԹՍ-ն հարվածել է Իսրայելի Ռամոն օդանավակայանին
Սեպտեմբեր 08, 2025 06:12 Asia/Tehran
Եմենական ԱԹՍ-ն, շրջանցելով Իսրայելի բոլոր պաշտպանական համակարգերը, հարվածել է օկուպացված տարածքների հարավում գտնվող օդանավակայանին։
Իսրայելական աղբյուրները հայտնել են, որ մեկ կամ մի քանի եմենական ԱԹՍ-ներ հարվածել են օկուպացված Պաղեստինի տարածքների հարավում գտնվող Ռամոն օդանավակայանին, և միաժամանակ լսվել է ուժեղ պայթյուն։
Հաղորդվում է, որ հարձակման հետևանքով վիրավորվել են մի քանի իսրայելցիներ։ Հարձակումը տեղի է ունեցել Իսրայելի բանակի կողմից եմենական անօդաչու թռչող սարքերի որսացման մասին հայտարարությունից մի քանի րոպե անց։
Իսրայելական հեռուստատեսությունը հայտարարել է, որ օդանավակայանը փակվել է, և բոլոր թռիչքները դադարեցվել են։
Kan հեռուստաալիքը հաղորդել է, որ Իսրայելի ռադարները չեն կարողացել հայտնաբերել անօդաչու թռչող սարքը, և որ բանակը հետաքննում է այս հարցը։
Գործողությունը իրականացվել է Եմենի կառավարության նիստի ժամանակ իսրայելական կործանիչների հարձակումից հետո։ Վերջին օրերին Եմենը մի քանի անգամ հարձակվել է Իսրայելիտարբեր թիրախների վրա։