Բաղայի. Արևմտյան Ասիայի գործերին Եվրոպայի միջամտությունը չի լուծի այս մայրցամաքի ներքին խնդիրները
Pars Today – Իրանի արտաքին գործերի նախարարության խոսնակը Պարսից ծոցի համագործակցության խորհրդի և Եվրամիության համատեղ հայտարարության մեջ արված միջամտողական պնդումները համարել է «լիովին մերժված» և զգուշացրել է տարածաշրջանում որոշ եվրոպական երկրների պառակտիչ մոտեցման մասին։
«Էսմայիլ Բաղային» ընդգծելով Իրանի անվիճելի ինքնիշխանությունը Մեծ Թոնբ, Փոքր Թոնբ և Բումուսա կղզիների նկատմամբ, ասել է․ «Անհիմն պնդումների կրկնությունը իրավական արժեք չունի և չի փոխելու պատմական և աշխարհագրական իրողությունները»։
Նա Եվրամիության միջամտությունը Իրանի պաշտպանական և միջուկային հարցերին անվանել է ապարդյուն քայլ և նշել. «Տարածաշրջանին իրենց քաղաքական նպատակները պարտադրելու փոխարեն, եվրոպական երկրները պետք է լուծեն իրենց ներքին ճգնաժամերը և քաղաքական անգործունեությունը»։
Բաղայի Համանեն նաև բարձր է գնահատել արտատարածաշրջանային միջամտությունը դատապարտելու երկրի ներսում և դրսում իրանցիների դիրքորոշումը և Պարսից ծոցի հարավային երկրներին կոչ է արել անհիմն պնդումները կրկնելու փոխարեն կենտրոնանալ տարածաշրջանային համագործակցության ընդլայնման, և խաղաղության ու կայունության դեմ ուղղված հիմնական սպառնալիքի, այն է սիոնիստական ռեժիմի դեմ պայքարի վրա։
Նրա խոսքով՝ որոշ եվրոպական պետությունների այդ թվում՝ Գերմանիայի և Ֆրանսիայի, ոչ անկախ և կողմնակալ գործունեությունը վկայում է Իրանի և ամբողջ Պարսից ծոցի տարածաշրջանի նկատմամբ նրանց երկստանդարտ և խաբուսիկ քաղաքականության մասին։